LÚKAS 17:1 - KARÚK-PËRIM KAWALU Nouveau Testament

¹ A Yeesu ja bafetsul: “Ngëko ngi kan tsu ngi ñaan na yër, kaats bi nga rits bi ka ci. Maa, cay ñaan ni kan kaani ngëko ngan kë baandi!

LÚKAS 17:1 Iomraidhean Croise

MATEU 16:23

Maa, a Yeesu witsësa, a na ja Per: “Pënan lawanin, Useetaani! M ci natsuin pëyër, par ngëwejatsu cits ngi Nasien-batsi, maa ngi bañaan-bajin.”

MATEU 18:7

Cay umundu, tsi uleka ngëko ngi kan tsu ngi ñaan në juban! Par, kaats bi nga rits bi ka ci; maa cay, ni kan kai ngëko nga kë baandë-ni ñaan!

LÚKAS 16:31

Maa Abraam jaul: ‘Uci ba cikëndënats Moises ni bayëlia, ŋal ank nalon ka natsee di bacäts bë ri ka waak.’”

ROOMA 14:13

Nja tsë kaka ja nan ci nu lacan bacintsul. Maa, nda wejatsi përits tsu nan tsaari ni ind na jontas, oo na yër tsi ujuban.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

1 KORINTU 10:32

Ind tsë ci ko wi kan tsu wi Najudeu na yër, nin nagërek, nin Ngëriisia Nasien-batsi.

1 KORINTU 11:19

Te mantotëlër aka pëci tsi pëncuaf ind, pa u meaa ban ci biki tsi ucär, tsi pëncuaf.

1 KORINTU 8:13

Wul ka wun, uci kare-ko ka tsu kun ni wund tsaari na yër tsi ujuban, in katse ka n de uyamats yaas, pa nji përits ci ni kan tsui ni wund tsaari na yër tsi ujuban.

1 TIMOTEU 4:1

Uwejats aja ko un jënts wi; ko wi u ja wi ci wun wi: Tsi ngëwal ngëtuami, balon ka wëtan uwak, bu ka mob tsi ngëwejats kafal ni bëjukan ngëcaay;

UPIBAN 2:14

Maa, aka ngi ndu leentsaru ngi, aci ko uties: M ka tsul ba mob biki tsi bëjukan Balaam, nul nan jukani Balak pëkuer pëgungan pa babuk Israel puu re nga n jakana ngi tsi icap, ni bukul puu ro ngëko katuk-ufuts.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.