LÚKAS 16:2 - KARÚK-PËRIM KAWALU Nouveau Testament

² Narëmb mandaar përuiul, a na jaul: ‘We ci wun wi ndu n te wink tsi ulekau? Pibani bi m leempëna bi bëka m ja. Par, m katse ka tsijëna bëka nji.’

LÚKAS 16:2 Iomraidhean Croise

MATEU 12:36

Man ja ind: Tsi Unu Kawat-pëleents, bañaan bëlieng ka leents uleka irim yi ba ñakan yi, in kaats yi bëkat.

MATEU 20:8

Ujëk bërëm, a ajug uwoorta mko ubiiñu ja nagaang bëkaul: ‘Dui baleemp kë luk bukul; kur-ni tsi batuami, te bacäk.’

LÚKAS 12:20

Maa, Nasien-batsi ja narëmb namënts un: “Nafuur! Bërëm bi kalon, kë yepaa uwaasu. A yën ka rukanda un ko wi m jukëlën wi?”

LÚKAS 12:42

Ajug yankul, aja: “Yën ci-un naleemp na mobi tsi përim pi na jaka pi, na ka ibats? Aci naleemp ni nawiak kë tsui përukanda baleemp tsi katoul, uja ba band pëwëla bariala, në wël bukul.

LÚKAS 16:1

A Yeesu ja buts bafetsul: “Aka narëmb nan kai ni na tergaari bëkaul na tsijëna; a narëmb bi leentsa namënts unja na roon nuu cokul bëka.

LÚKAS 16:3

Din, naleemp ja tsi ibatsul: ‘Wee ndu ndo wun-i? Par nawiak nji ka pënanin ink tsi pëtsijëna bëka. Pëjëp? In yëlaants, Bëñaan? Man kawa.

ROOMA 14:12

Unk, kara ñaan tsi nja ka leents ngi na ro ngi bërierul, tsi bërun Nasien-batsi.

1 KORINTU 1:11

Batsaar ni nji! Bañaan kato Këloe aleentsin mankicësar ci tsi pëncuaf ind.

1 KORINTU 4:2

Inkri, ko wi kan tsasa wi, tsi ban gaangana biki ko, aci nan ci, në ci na mob bi tsi përim.

1 KORINTU 4:5

Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

1 TIMOTEU 4:14

Cats tienkëtsan bëtseend ban ci bi tsi wi, ba wëlau bi, bi përim bayëlia leentsa bi, a bëjúk ban tsua biki bajëŋal pafu iñan.

1 TIMOTEU 5:24

Balon, ngëjuban bukul ka wina iink te bu netse ka wata pëleents; maa balon buts, ngëjuban bukul kee nga wina tsi bërun.

1 PER 4:10

Uja nan ci, në ci tsi pëleempar bacintsul ni utseend wi na yank wi; unk ri ndu ci run ba tsijëna bëtseend Nasien-batsi bawar, bul ban patsëlar bi.

1 PER 4:5

Maa bu kee piban ngëko ngi ba ro ngi tsi bërun ñaan nan yëlani pëwat bayësal pëleents ni bacäts.

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.