LÚKAS 16:15 - KARÚK-PËRIM KAWALU Nouveau Testament

¹⁵ A Yeesu ja bukul: “Ind, nda ci ban ja bukunk ba roon bu kë tsu iyeen bukul pëci bamabal, tsi bërun bañaan-bajin; maa Nasien-batsi ame ngëwaas ind. Par, ko un dëmbanaa wi tsi bërun bañaan-bajin, añutsan tsi bërun Nasien-batsi.

LÚKAS 16:15 Iomraidhean Croise

MATEU 23:5

Bu ka ro ngëko bukul bëlieng pa pëwinaa tsi bañaan. Unk, bu kë waanës igaangëni ngëtsua bukul, bu kë rëmban imbiantëmb iŋi-bëtiem bukul.

MATEU 6:16

Aja nduu bër-mlik, ind tsë piban nda juatsan; banguungu ka ro bukun unk, par përoñatsan urostu, pa pëpibanaan ba ci tsi kabër-mlik. Mán leents ind ucär: Bë yank ba bëluk bukul.

MATEU 6:2

Aja kuu tseend naranj ko, tsë teaa. Par unk di banguungu kë ro run di ito-ijuki ni tsi iga, pa bañaan bëndan bukul. Mán leents ind ucär: Bú yank ba bëluk bukul.

MATEU 6:5

Aja nduu ñaan, ind tsë ci pi banguungu, par bu ŋal pëja bu kë ñaan bu ka nats di ito-ijuki, ni tsi injëkënts iga, pa pëpibandar tsi bañaan. Mán leents ind ucär: Bë yank ba bëluk bukul.

LÚKAS 10:29

Maa, najukan-ulua ŋal pëja aci na mabi, a na ja Yeesu: “A yën ci-un acints nji?”

LÚKAS 11:39

Din Ajug jaul: “Teenan-e, ind Bafariseu, nda ja nda roon ndu jëntsan bafetsu karaani, ni bafetsu përialaani; maa bametsu ngëwaas ind acum ni kaca ngëko bañaan, ni kawaraatsa.

LÚKAS 18:11

Nafariseu natsa anats, a na ñaan tsi ibatsul aja: ‘Oo Nasien-batsi! Man baranu par nji n naamats ni bañaan ban duka bukunk; bë ci bakiej, bamabats, baro-mjubi, te nin in naamats ni nayep bëluk-uraasa ni;

LÚKAS 18:14

Man ja ind: Namëntsi ajuŋa tsëp katoul atsua namabal, maa nacints nun dolaatsa ank. Par, nan diangi beenul, në welanaa, a na welani beenul, në riangaa.”

LÚKAS 18:21

Din, a na ja: “Man mob tsi përo ngëmënts ngan bëlieng, ki n ci ki ndëpaas.”

LÚKAS 18:9

A Yeesu tib kak përim, tsi uleka balon ba nja biki ba roon bu kë wak tsi iyeen bukul, ba tsuar pëci bamabal, bu kë be bacints bukul;

LÚKAS 20:20

Din, a ba ruka tsuuna Yeesu këkës. Ba yël batsab, bu kë ro pi bë ci bamabal, pa bu ka mobënul tsi përimul, pa në gutsara pësien ni tsi kañan na tsijëna-pëboos.

LÚKAS 20:47

Bu kë yankëna ban cätsëndan biki bayën bukul bëka bukul, bu kë ro bëñaan bëyampal, pa pëkundaraan. Bamënts biki, bu kee yank ulaci-un pe wi pëjuats.”

KAKÚRAN-KAWAR YEESU KRISTU BI JOŊ LEENŢ BI KUL AJA 2:25

a fierats pëleentsa ko tsi uleka ñaan-najin, par nul bërierul ame ko un ci wi tsi ñaan-najin.

KAKÚRAN-KAWAR YEESU KRISTU BI JOŊ LEENŢ BI KUL AJA 21:17

A Yeesu kaka yeparul uyaas uwaajantsan, aja: “Simon, abuk Joŋ, m ŋalin-a?” A Per juatsan bi na jaul bi uyaas uwaajantsan: “M ŋalin-a?” A na yankul aja: “Ajug, wi m me ngëko bëlieng; m me n ŋalu.” A Yeesu jaul: “Këmandi ngënkanel nji.

NGËRO 1:18

A inkri Judas weelna bërig bëluk kamabatsul, na júŋee ayëri, a na tawa tsi pëncuaf, a ipësul garee bëlieng.

NGËRO 1:24

A ba ñaan aja: “Wi Ajug, na mei ngëwaas bañaan bëlieng, pibani ni m dati tsi batëb biki,

NGËRO 15:8

A Nasien-batsi, na mei ngëwaas bañaan, na piban na lílandër bukul bi na wël bi bukul Uwejats-ujënts buts pinja;

ROOMA 3:20

Wul ka wun, nin ñaan di ka tsuaa namabal tsi bërunul, undo ngi në ro ngi tsi ngëtsua; par tsi ngëtsua, tsi kame ujuban pënë-ni tsun.

ROOMA 8:27

A ni kan teeni ngëwaas bañaan ame utsaag Uwejats; wul tsi uŋal Nasien-batsi, ka ñaandar wun ba uwak biki tsi yeesu.

1 KORINTU 4:5

Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.

1 PER 3:4

maa ka ciin kan beka ki di uwaas ñaan, kan dits ki ka coka, ki uwejats mbëla, ni butsëkal. Wul ci wun ko un ka wi bëkat tsi bërun Nasien-batsi.

1 PER 5:5

Unk buts ind batsasa, nda welani iyeen ind tsi bërun bajëŋal. A ind bëlieng, tsi manteelar ind, nda cuman ni kawelan-iyeen ind, par Nasien-batsi ka natsara bape-iyeen bukul; a nuu wël bëtseend pa ba welan biki iyeen bukul.

UPIBAN 2:23

Mán fiŋ upätsul. Din, iriisia bëlieng ka me nji n ci-un ni kan teeni ngëtsaag ni ngëwaas, uwar. A te, mán luk ind kara ñaan ngi na ro ngi.