LÚKAS 11:13 - KARÚK-PËRIM KAWALU Nouveau Testament

¹³ Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

LÚKAS 11:13 Iomraidhean Croise

MATEU 5:16

Unk buts, ufac ind u fietsan tsi bañaan, pa bu ka win ngëwar ngi nduu ro ngi, bu këbëndan Asin ind nan cii di batsi.

MATEU 5:45

pa ndë ci babuk Asin ind nan cii di batsi; par atsu unuul a u ja u roon u mayi pa ba kaalam ni bawar; a na tsu usubal a uu subi pa bamabal ni bamabats.

MATEU 6:14

Uci nda jampësa bañaan ba lac ind biki, Asin ind nan cii di batsi ka jampësa ind buts;

MATEU 6:30

Ko wi nda tienkëts wi uwak! Uci u ci unk di Nasien-batsi kë tiemandun pëtsats bëreeŋ, pan ci pink ntsari, maa faan pë gutsa di bërua, a ind, di ka pe këpe pëtieman ind-a?

MATEU 6:32

Par, ngëmënts ngan bëlieng, aci ban cits biki Bajudeu, ja bukun ba roon bu kë tsas ngul. Ngëmënts ngan bëlieng, Asin ind ame nda fier ngul.

MATEU 7:11

Ind ba waraatsa biki, ande nda me aatsum pëwël upäts ind ngëko ngëwar; a nda me koon, Asin ind nan cii di batsi, ka wël biki ka yepul biki ngëwar!

LÚKAS 11:12

Oo në yepul pëjeenj, maa u ci utiifar wi nu wëlul wun?

LÚKAS 11:2

A Yeesu ja bukul: “Uñaan ind, nda jaan: Paapa, katimu ka ciin ka yëman ki; pësienu pa bili;

LÚKAS 18:7

Ande Nasien-batsi di ka faŋan biki na rat biki-a? Bukul ba nja biki ba roon bu kë kat përim koo ruul pënak ni bërëm; kee na jon pëyankar bukul-a?

KAKÚRAN-KAWAR YEESU KRISTU BI JOŊ LEENŢ BI KUL AJA 4:10

A Yeesu yankësul ajaul: “Uci m do me bëtseend Nasien-batsi, ni na n jaui tseendin përaan, wi bi ka ñaanul, nul në wëlu mlik ubiira.”

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

ROOMA 5:17

Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

ROOMA 7:18

Par man me ne, tsi nji, un ci wi tsi uliaf nji, nin ulon ko u wara wi cits tsi nji.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.