LÚKAS 1:35 - KARÚK-PËRIM KAWALU Nouveau Testament

³⁵ Uwaanju jaul: “Uwejats-ujënts ka welee tsi wi; pëyëlan Kanpe pëci di ruets ka límtsanu. Wul ka wun, nayëman ni kan kee koo jaka, Abuk Nasien-batsi.

LÚKAS 1:35 Iomraidhean Croise

MATEU 1:18

Ubukara Yeesu, iink di u ci run: Maaria aninul aci nampëli Juse; maa bë netse ka tsoar a na mob pëpës tsi pëyëlan Uwejats-ujënts.

MATEU 1:20

Maa bi nu wejats bi përo ko wan, a u ka uwaanju Ajug un cili wi tsi nul tsi utsaafi, a u jaul: “Juse abuk Dawid! Tsë lënk pëyank Maaria, aaru. Par amob pëpës maa aci ko un biini wi tsi Uwejats-ujënts.

MATEU 14:33

A ban ci biki tsi kanawa jintëla Yeesu, a ba ja: “Ucar, wi ci-un Abuk Nasien-batsi!”

MATEU 27:54

A bi kapëton basondaari, ni ban ci biki ni nul tsi pëwaay Yeesu, win bi utsia usiintsar bi, ni ngandola ngi, a ba lënk mak, a ba ja: “Tsi ubaaraari, namëntsi ron un ci Abuk Nasien-batsi!”

MATEU 4:3

A nateen-teenan kika awokul, a na jaul: “Uci bi m ci bank Abuk Nasien-batsi, jaan ilaak yi i witsa upom.”

MARKU 1:1

Ujuundi Upetsan-uwar Yeesu Këristu nul Abuk Nasien-batsi.

MARKU 1:24

“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!”

LÚKAS 1:27

pa u tsëp di ŋaats na meetsi niints, nan kai natsasaul ni ka n jakee Juse; Juse apënë-ni pëka Dawid. Katim ŋaats ka jaka Maaria.

LÚKAS 1:34

A Maaria ja uwaanju: “Um bi ko wan kë ci n? Par, nji n meets niints.”

LÚKAS 1:36

Teenan-e Elisabet, ni nda kee! Atsaf, maa nul seempa ink ts napäts niints; nul nandoi jaka di ka k, nul ci ink tsi pëlíul pëpaajantsan.

KAKÚRAN-KAWAR YEESU KRISTU BI JOŊ LEENŢ BI KUL AJA 1:34

Maa nji ma win, a n leents a n ja, nul ci-un Abuk Nasien-batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:49

Din, a Natanael yankul aja: “Rabi, wi ci-un Abuk Nasien-batsi! Wi ci-un Nasien Israel.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

NGËRO 8:36

Ba repa bëga pëtsëp, a ba band tsëlon tsëko tsan tsij tsi mlik, a niints nan kasa unk ja: “Teenan-e, mlik mi! We ka laaŋin wun pëmijana?” [

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

BAYEBËREU 4:15

Par, ngë kaats nan pei pëci nawiak-bajakan na yëlaantsi pëyëkar inja ipës tsi uleka ngi barafal inja; ateen-teenana tsi ngëko bëlieng pinja maa kaats ujuban.