LÚKAS 1:32 - KARÚK-PËRIM KAWALU Nouveau Testament

³² Ka ci ñaan nawiak, nuu jaka, Abuk Kanpe pëci di ruets. Ajug, un ci wi Nasien-batsi, ka wëlul pësien asinul Dawid,

LÚKAS 1:32 Iomraidhean Croise

MATEU 1:1

Ulibëru un piban wi pëbuka Yeesu Këristu, nul nan cii abuk Dawid, a Dawid ci abuk Abraam:

MATEU 12:42

A tsi Unu kawat-pëleents, nasien ŋaats nan pëni unk uleka utsia-ucaak, ka natsee ni bañaan ntsari, në lacan bukul. Par, apëni tsan buer tsi pëlawan, a na bi pëcikëndën bëlipal Salomon nasien. A te, nan pei Salomon ci ink tsi.

MATEU 28:18

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

MATEU 3:11

Nji, man ci tsi pëmijan ind di mlik, pa pëpibanaan nda yaar ibats. Maa ni kan bii tsi ufets nji, apein pëyëlan-ko. Nul kee mijan ind un di Uwejats-ujënts ni bërua. Nji n tsënkaants pëjaa mán tsijarul iraala.

MARKU 14:61

Maa a Yeesu yëŋandar tsi na yëŋandar tsi, yankësats ko. A nan pei pëci nawiak-bajakan kaka yeparul aja: “Wi ci-un Mesia, Abuk Ka n jaara ngëwar-a?”

MARKU 5:7

a na lië mak aja: “Wee m kaaraan wun ni nji, wi Yeesu Abuk Nasien-batsi Kanpe pëci di ruets? Man ñaanu tsi katim Nasien-batsi, cӓts luekanin.”

LÚKAS 1:15

Par ka ci ñaan nawiak tsi bërun Ajug. Di ka raan ubiiñu, nin pëwat pëyëk. Ka wama ci di pëpës aninul, Uwejats ujënts ka cumul.

LÚKAS 1:35

Uwaanju jaul: “Uwejats-ujënts ka welee tsi wi; pëyëlan Kanpe pëci di ruets ka límtsanu. Wul ka wun, nayëman ni kan kee koo jaka, Abuk Nasien-batsi.

LÚKAS 1:76

A wi, napäts nji, kuu jaka, nayëlia Kanpe pëci di ruets. Par, kuu yandaar tsi bërun Ajug, pa pëyecisul bëga,

LÚKAS 3:16

Joŋ ja kul bëlieng: “Nji, mán mijanaan ind mlik. Maa nan peini ka bi, në mijan ind di Uwejats-ujënts ni bërua. Nji n tsënkaants pëjaa mán pacul katanëni iraalaul.

LÚKAS 6:35

Maa, nda ŋalan babër ind; nda roon ko u wara wi. Nda tsiatsani, te ind tsë watsar pëluka, din bëluk ind kee rëmb. Unk di nduu ci run babëk Kanpe pëci di ruëts. Par nul, ajuab uwaas tsi uleka barika-baran, ni tsi uleka bajuats-ngëwaas.

KAKÚRAN-KAWAR YEESU KRISTU BI JOŊ LEENŢ BI KUL AJA 12:34

A kandënd bañaan yankul aja: “Wund ajukana tsi ulua, ajaka, Këristu ka ci pa sandëndën; a um di kë ja run: ‘Abuk ñaan-najin aka përianga.’ Yën ci-un Abuk ñaan-najin namëntsan?”

KAKÚRAN-KAWAR YEESU KRISTU BI JOŊ LEENŢ BI KUL AJA 6:69

Wund awak a wund me u ci wi ci-un Nayëman, nan pënë-nii tsi Nasien-batsi.”

NGËRO 16:17

A nuu fets Pol ni wund, a nuu lië koo ja: “Bañaan biki, bë ci baleemp Nasien-batsi kanpe pëci di ruëts, a bu kë leents ind bëga pëbuër.”

NGËRO 2:30

Nul aci nayëlia, a na me Nasien-batsi ro baaja aja, tsi pëtsoari-pësienul, ka tsoaran nalon ni kan pënë-nii tsi kajërul.

NGËRO 2:36

Bañaan kato Israel bëlieng aka pëme, Yeesu ni nda rieŋ ink di kruus, Nasien-batsi atsuul na ci Ajug, na ciind Këristu.”

NGËRO 7:48

Maa, Kanpe pëci di ruets di ka ciina ito i leempëna yi ni iñan bañaan-bajin. Bi nayëlia Batsi ja bi:

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi: