JAKOB 4:4 - KARÚK-PËRIM KAWALU Nouveau Testament

⁴ Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

JAKOB 4:4 Iomraidhean Croise

MATEU 12:39

A Yeesu yank bukul, a na ja: “Bañaan ntsari, ban kaalam biki, ni ba mobats biki tsi Nasien-batsi, ku ma bu yep upibanaani ank a! A-aa, i kaats upibanaani wi du wëla wi bukul, un cits wi wi Jonas wun, nayëlia.

MATEU 16:4

Ban ntsari, ko wi ba kaalam wi te bë mets Nasien-batsi, a bu yep upibanaani ank! Kaats upibanaani wi ka wëla wi bukul, un cits wi wi Jonas wun.” A uu ba, a na ruk bukul, a na pën atsëp.

MATEU 6:24

Kaats ñaan nan yëlani pëleempar bawiak batëb. Par, na ro ank ba, në ka ni nu bëri, në ŋal nacints; oo në mob tsi nalon, në be nacints. Nda yëlants pëleempar Nasien-batsi, ndë tankëlaand pëleempar Bëka.

LÚKAS 19:27

Maa ba ñaasin bukunk, ba ŋalats bukunk ndoon ka sien bukul, nda tsiji bukul tsi, ndë fiŋ bukul tsi bërun nji.’”

KAKÚRAN-KAWAR YEESU KRISTU BI JOŊ LEENŢ BI KUL AJA 15:19

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.

KAKÚRAN-KAWAR YEESU KRISTU BI JOŊ LEENŢ BI KUL AJA 17:14

Man wël bukul përimu, a bañaan umundu ñaas bukul, par bë cits biki umundu, bi n cits bi ni umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 7:7

Bañaan umundu yëlanats pëñaas ind; maa nji, bë ñaasin, par ma nja n doon ka leents ngi bu kë ro ngi ci nga waraatsa ngi.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 8:7

Wul ka wun, ko wi uŋal uliaf kë yimpara wi, aci pëñaas Nasien-batsi, par wul di ka niiran ngëtsua Nasien-batsi, a yëlats koon përo ko wan.

1 KORINTU 1:20

Nameko aci tsum-i? Najukan-ulua aci tsum-i? Natsas ngëme umundu wi aci tsum-i? Nasien-batsi tsuuts ink kameko umundu wi ka ci bëfuur-a?

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

GALAASIA 1:10

Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.