JAKOB 3:13 - KARÚK-PËRIM KAWALU Nouveau Testament

¹³ Naom tsi ind ci-un nameko ni nalipal? Tsi bëroorul, na pibani ngëko ngi nuu ro ngi ci ngëwar, a nuu ro ngul tsi kawelan-beenul kan piban ki na ci nameko.

JAKOB 3:13 Iomraidhean Croise

MATEU 11:29

Nda niirani pëkues nji, ndë júk tsi nji, par man tsëk a juab uwaas, din ngëlugum indind ka ci tsi pënaak.

MATEU 21:5

“Nda jaan bañaan përaasa Sion: ‘Nda teenan-e, nasien ind ka bi ink tsi ind, awelan beenul, arija ubúuru ukaats, arija ubuk-ubúuru, ubuk uncaam uyuunts.’”

MATEU 5:5

Bu naak, ban ci biki bajuab-ngëwaas, par bu kee rukanda umundu!

MATEU 7:24

Wul ka wun, nan cikëndëni irim nji yi, a nuu ro ko wi n ja wi, në ci pi nalipal na niewi katoul tsi ilaak;

1 KORINTU 6:5

Ma n ja ank, pa pëkawaran ind. Ane nda kaats nin ñaan tsi pëncuaf ind nan ci nameko, nan yëlani puu wat pëleents tsi pëncuaf ban tsaar biki ni nul-a?

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 8:24

Maa nda pibani tsi bërun iriisia bëŋal ind pa bukul, ni bi wund wak ind bi tsi bërun bukul.

GALAASIA 5:23

ni kajuab-uwaas, ni kayëlan-uliaf; kaats ulua un pok wi ngëmënts ngi.

GALAASIA 6:1

Batsaar ni nji, uci ñaan mobaa tsi përo ulon ko un cika wi, ind ban ci biki bañaan Uwejats Nasien-batsi, nda ka pëcikësul ni uwaas ujuab. Rukan ibats, pa wi përits teen-teenana buts.

GALAASIA 6:4

Maa kara ñaan në teen ko wi na ro wi, a nuu ba, në rëmbandëraan tsi nul rin, te na rits teen wi acints.

EFEESU 4:2

ni kawelan-iyeen ind bëlieng ni kajuab-ngëwaas, ni umiira. Nda ru kë míirëlar tsi nda ci tsi ni bëŋal,

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 6:11

Maa wi, ñaan Nasien-batsi, túkan ngëmënts ngun; moban tsi bëmabal, ni tsi pëlënk Nasien-batsi, ni tsi uwak, ni tsi bëŋal, ni tsi umiira, ni tsi kajuab-uwaas.

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

TIITU 3:2

Bukul tsë ja uwutsëtsuel tsi uleka ñaan, ba ciin barika-tsas ukam, bajuab-ngëwaas, bu kë piban kajuab-uwaas tsi uleka bañaan bëlieng.

BAYEBËREU 13:5

Kaŋal-uncaam tsë tsijëna ind tsi përo ko; nda liingan tsi ko wi nda ka wi, par Nasien-batsi aja: “In di ka n wëtanu, yaas; In di ka n bëru, yaas.”

JAKOB 1:21

Wul ka wun, nda wëtani ko un tsop wi, ni kabuer kajuats-ngëwaas, ndë mob ni ngëwaas-ngëjuab përim pi nda wëla pi, a pa yëlan pëbueran ind.

JAKOB 2:18

Maa nalon ka ja: “Wi, m ka uwak, a nji man ka ngëwar ngi n do ngi.” Pibanin-e uwaku, wul un kaats wi ngëwar; a nji, ngëwar ngi n du n pibanaanu ngun uwak nji.

JAKOB 3:1

Batsaar ni nji! Ind tsë cumar pëci bajukan. Par, wund bajukan, wund ka pe pëwataa pëleents.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 PER 1:15

Maa bi nandui ind unk ci bunk nayëman, ind buts bërier ind, nda ciin bayëman tsi ko wi ndu ro wi ba këro.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:4

maa ka ciin kan beka ki di uwaas ñaan, kan dits ki ka coka, ki uwejats mbëla, ni butsëkal. Wul ci wun ko un ka wi bëkat tsi bërun Nasien-batsi.