JAKOB 3:1 - KARÚK-PËRIM KAWALU Nouveau Testament

¹ Batsaar ni nji! Ind tsë cumar pëci bajukan. Par, wund bajukan, wund ka pe pëwataa pëleents.

JAKOB 3:1 Iomraidhean Croise

MATEU 10:24

Najuk, peets najukanul, a naleemp peets nawiakul.

MATEU 23:13

Cay bapican-ulua ni Bafariseu, ind banguungu! Par nda ja nda roon nduu ríc bañaan Pësien batsi tsi këkës bukul. Maa ind bërërind nda ri ka niaj, nin pëwëtan biki kan këmand biki pëniaj ba niaj.

MATEU 23:14

[Cay bapican-ulua ni Bafariseu, ind banguungu! Par nda ja nda roon nduu yankëna bacätsëndan-bayën bukul ngëko ito bukul; a nda ja nda roon nduu yampan bëñaan, pa pëpibandar. Wul ka wun ndu tsua ulaci-un pe wi pëjuats.]

MATEU 9:11

Bi Bafariseu win bi ko wan, a ba ja bafetsul: “We ka wun Najukan ind kë riala ni bayep bëluk-uraasa, ni bajuban?”

LÚKAS 16:2

Narëmb mandaar përuiul, a na jaul: ‘We ci wun wi ndu n te wink tsi ulekau? Pibani bi m leempëna bi bëka m ja. Par, m katse ka tsijëna bëka nji.’

LÚKAS 6:37

Ind tsë wat ñaan pëleents, nda ritsii wata pëleents. Ind tsë lacan ñaan, nda ritsii lacana. Nda jampësaan, ndii jampësaa.

KAKÚRAN-KAWAR YEESU KRISTU BI JOŊ LEENŢ BI KUL AJA 3:10

A Yeesu jaul: “Wi nan ci najukan tsi Israel, a m meets ngëko ngan-a?

NGËRO 13:1

Di Ngëriisia Antiookia, aka rul bayëlia, ni bajukan: aci Barnabas, ni Simeon ni ka n jakee buts Niger, ni Lusiu kanpënë-ni Sireeni, ni Manayen, nan kusee tsëloole ni Eroodis nasien kajara Galileeya, ni Sol.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

EFEESU 4:11

A nul wël un balon ngëtseend pëci bapostolu, bacints bayëlia, bacints baleents Upetsan-uwar, bacints ka ci bayafan bu ka ciind bajukan;

1 TIMOTEU 1:7

Bë ŋal pëci bajukan-ulua Nasien-batsi, maa bë meets ko wi ba ci wi tsi puu ja, ni irim i ba mob yi liincan.

1 TIMOTEU 2:7

undo un pibana wink, ka wun n tsua pëci naleents përim ni Napostolu – nji n tsupats, man leents ucär – a n tsuunda pëci najukan bañaan ban cits biki Bajudeu ko un ci wi uwak, ni ucär.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

JAKOB 1:16

Batsaar ni nji, ind biki n ŋal biki! Ind tsë fal iyeen ind;

JAKOB 1:19

Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.

JAKOB 3:10

Mtum mi ka n ja mi ngëwar, ka ja buts ngëwutsëtsuel. Batsaar ni nji! Ko kaats pëci ank.

1 PER 5:3

Biki nda tanan biki, ind tsë roona uyëlan; maa nda ciin biki ngënkaanel kë teenëna biki.