JAKOB 2:1 - KARÚK-PËRIM KAWALU Nouveau Testament

¹ Batsaar ni nji! Ind tsë jej uwak ind tsi Ajug nja Yeesu Këristu, nul nan dëmbanee, ndë bofëlan wul ni pëkicës bañaan.

JAKOB 2:1 Iomraidhean Croise

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

NGËRO 10:34

A Per jankmaul aja: “Tsi ucär, man yëkëran Nasien-batsi di ka kicës bañaan;

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 24:24

A u par ngënu, a Felikës ci ni aarul Drusila nan ci Najudeu, a na yël bañaan ba rui Pol; a na cikëndënul tsi uleka uwak tsi Këristu Yeesu.

NGËRO 7:2

Estefan yank bukul aja: “Batsaar ni nji bayënts, ni basin nji, nda cikëndëni! Nasien-batsi përëmb apibandari tsi Abraam, asin nja bi na wama bi ci di Mesopotaamia, te netse ro ci di Karan;

ROOMA 1:11

Man dí mak pëwin ind, n ja pëfaar utseend tsi Uwejats, pa ind pëci baliincal.

1 KORINTU 2:8

Kameko kamënts ki, nin nalon tsi bajug pëyëlan tsi umundu wi meets kul; par uci ba ro me kul, bu bitse ka ro rieŋ Ajug përëmb di kruus.

KOLOS 1:4

Par wund ate uleka uwak ind tsi Këristu Yeesu, ni bëŋal bi nda ŋal bi bayëman bëlieng.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

1 TIMOTEU 5:21

A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

JAKOB 1:16

Batsaar ni nji, ind biki n ŋal biki! Ind tsë fal iyeen ind;

JAKOB 1:19

Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.

JAKOB 2:3

a uci nda rëmban nan tiema unk kaŋí kawaralkan, a nda jaul: “tsoaran tsi pëtsoari pëwar pi;” maa a nda ja naranj: “Wi natsan dun oo tsoaran tsi utsia tsëpafëni iyots nji;”

JAKOB 2:9

Maa uci nda ci tsi puu kicës bañaan, ndë ro ujuban, din ulua ka lacan ind, par nda mabats tsi wul.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”