JAKOB 1:27 - KARÚK-PËRIM KAWALU Nouveau Testament

²⁷ Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

JAKOB 1:27 Iomraidhean Croise

MATEU 12:32

A na njai ba kë ja përim pa mabats pi tsi uleka Abuk ñaan-najin, ka jampësaa; maa na njai ba kë ja përim pa mabats pi tsi uleka Uwejats-ujënts, di ka jampësaa, nin tsi umundu wi, nin tsi umundu wi kan bi wi.

MATEU 5:8

Bu naak, ban ci biki bajënts ngëwaas, par bu kee win Nasien-batsi!

LÚKAS 1:6

Sakaria ni Elisabet, bë ci bamabal tsi bërun Nasien-batsi; bë meandaatsa uwutsëtsuel tsi ngëtsua Ajug bëlieng, ni tsi irim i na ja yi bëlieng.

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 2:13

Par cits bacikëndën ngëtsua ci bukun bamabal tsi bërun Nasien-batsi; maa aci ba mob biki tsi përo ko wi ngëtsua ja wi, ci bukun bamabal tsi bërun Nasien-batsi.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 3:11

Nin ñaan di ka tsua pëci namabal tsi bërun Nasien-batsi, undo amob tsi ulua; umënts wan aci ko un jënts wi, par namabal ka kaana ubiira tsi uwak.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

GALAASIA 6:14

Maa mdëmbandar ma lawanin, ucits ba tsi kruus Yeesu Këristu Ajugnjarin, kul kan ka ki umundu rieŋa di kruus pa iji, a n dieŋa di kruus pa umundu.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 5:4

Maa uci nan catsëndani ayënul ka upäts oo batiemi, ba pibani bërun ba lënk Nasien-batsi, tsi ngi ba ka ngi puu roor bañaan kato bukul, pa pëlukëna ban buk biki bukul, ni batiem bukul; par ko umënts wun aci u líl wi tsi bërun Nasien-batsi.

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

JAKOB 3:9

Ni pul, nja kë jaar-ngëwar Ajug nja nul Asin inja; a ni pul kak nja kë ja ngëwutsëtsuel tsi uleka bañaan-bajin, bukul biki Nasien-batsi leemp biki tsi bënaamul.

JAKOB 4:4

Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

2 PER 1:4

tsi ngëko ngëmënts ngi, tsi na watsanaani njatsun ngëwatsan ngëwiak, ngan ka ngi bëkat, pa undo ngul, ndë ruka ci ban bof biki tsi bëci Nasien-batsi, ndë bueri tsi kacok, ni karí-ko kan ci ki tsi umundu.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

1 JOŊ 5:18

Ngë me ne, ñaan nan bukee ba këbuka tsi Nasien-batsi di ka ci tsi ujuban, maa Abuk Nasien-batsi ka waayul, a Naro-ngëko-kawaraatsa di ka këraraul.