JAKOB 1:25 - KARÚK-PËRIM KAWALU Nouveau Testament

²⁵ Maa nan kaŋani këkësul tsi ulua un ba wi pëci uwar, wi kan bueran wi, a na liincandar, a cits nacikëndan ni ka fini, maa a namob tsi puu ro ko wi u ja wi, namënts un ka naak tsi ngi nuu ro ngi.

JAKOB 1:25 Iomraidhean Croise

LÚKAS 11:28

Maa, Yeesu jaul: “M dits ja, bë naak, biki kan cikëndën biki përim Nasien-batsi, a bu kë ro ko wi pa ja wi!”

KAKÚRAN-KAWAR YEESU KRISTU BI JOŊ LEENŢ BI KUL AJA 13:17

Uci nda me ngëko ngan, a uci nda mob tsi përo ngul, ndë ci ba naak biki.

KAKÚRAN-KAWAR YEESU KRISTU BI JOŊ LEENŢ BI KUL AJA 8:36

Bi u ci bank, uci abuk kato facan ind, ndë baaraan pëci bafacal.

NGËRO 13:43

Bi bëjuk garandar bi, Bajudeu bacumal, ni ba niiran biki bëga Bajudeu a ba lënk Nasien-batsi, fets Pol ni Barnabas; a Pol ni Barnabas kë ñakanaan bukul a bu kë tsu bukul ba niiran pëtambandar tsi bëtseend Nasien-batsi.

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

NGËRO 26:22

Maa, Nasien-batsi tsënkin a wama ci te pënak pëntsari; nji i kaats ko wi ndë leents wi upäts ni bawiak, ucits ba ko wi bayëlia ja wi ni Moises kee u ci,

ROOMA 11:22

Wejatsi-e kawara-uwaas Nasien-batsi, ni bi na tamb bi buts: nul atamb, pa ba yër biki; maa awara uwaas pa wi, uci m mob m liincan tsi kawara-uwaas Nasien-batsi; ucits ank ba, wi buts kë falaa.

ROOMA 2:13

Par cits bacikëndën ngëtsua ci bukun bamabal tsi bërun Nasien-batsi; maa aci ba mob biki tsi përo ko wi ngëtsua ja wi, ci bukun bamabal tsi bërun Nasien-batsi.

ROOMA 7:12

Ulua, wul ayëman; a utsua yëman, u mab a u wara.

ROOMA 8:15

Par cits uwejats pëluek wi nda yank wun, wi kan tsu ind wi kak tsi bëlal; maa nda yank Uwejats un tsu ind wi a nda ci babuk, a tsi wul tsi nja kë liëna tsun koo ja: Aba, Paapa.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 13:5

Nda teenamani iyeen ind bërier ind, pa ind pëme ne nda wama ci ank tsi uwak. Nda wejatsari bërier ind. Nda yëkëranats bërier ind Yeesu Këristu ci ri ind-a? Ucits ank, nda ci ba yër biki tsi pëteenamana.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 5:1

Këristu afacan nja pa n ja pëci bafacal. Nda ciin baliincal, ind tsë kaka niaj tsi pëluek.

GALAASIA 6:2

Nda tsënkëlëri ni myunts tsi nda ci tsi, unk ndë ro ko wi ulua Këristu ja wi.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

1 TIMOTEU 2:15

Maa kee na buerana uciul nambukari, uci tsi karika-pibandar a na mob tsi uwak, ni tsi bëŋal, ni tsi bëjëntsal.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

BAYEBËREU 12:15

Nda katan ibats, pa ñaan tsë pënandar tsi bëtseend Nasien-batsi, ni pa kabuul kapíiral tsë jabi, kul tsë tsiji mangusëlër a bacumal ka butana mul.

JAKOB 2:12

Nda ñakani, ndë ro, pi bañaan ban ka biki pëwata pëleents bi ulua wi kan bueran wi tsu bi.

1 PER 2:16

A bi nda ci bi ban fac biki, ind tsë ro pëfac ind ulec pa pëkundëna kawaraatsa ind; maa nda roan bi nda ci bi baleempar Nasien-batsi.

1 JOŊ 2:24

Ko wi nda te wunk ki ujuundi, u moban tsi pëci di ind. Uci ko wi nda te wunk ki ujuundi mob tsi pëci di ind, ndë mob buts tsi pëci di Abuk ni di Asin.

UPIBAN 14:13

Din, a n te përim pëni di batsi a pa ja: “Picani ja: ‘Pëpën tsi inkri, bu naak, bacäts ban cäts biki tsi Ajug!’” Uwejats aja: “Eey-e, bu ka naakësa ngëleemp bukul ngëñatsal. Par, ngi ba ro ngi koo fets bukul.”

UPIBAN 22:14

Bë naak, ba nij biki iŋi bukul yi bëtiem [tsi pëñaak Ubuk-unkaanel,] pa bukul pëbofara bëko ubiira bun, ni bukul pëpar-na ilëman ba niaj përaasa.