JAKOB 1:22 - KARÚK-PËRIM KAWALU Nouveau Testament

²² Nda moban tsi përo ko wi përim ja wi, ind tsuu tsë cikëndan këcikëndan pul rin, tsi kafäl iyeen ind.

JAKOB 1:22 Iomraidhean Croise

MATEU 12:50

Par, nan cii ba këci tsi përo uŋal Asin nji nan cii di batsi, namënts un aci nan tsaari ni nji, niints, ni nan tsaari ni nji, ŋaats, ni anin nji.”

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

LÚKAS 11:28

Maa, Yeesu jaul: “M dits ja, bë naak, biki kan cikëndën biki përim Nasien-batsi, a bu kë ro ko wi pa ja wi!”

KAKÚRAN-KAWAR YEESU KRISTU BI JOŊ LEENŢ BI KUL AJA 13:17

Uci nda me ngëko ngan, a uci nda mob tsi përo ngul, ndë ci ba naak biki.

ROOMA 2:13

Par cits bacikëndën ngëtsua ci bukun bamabal tsi bërun Nasien-batsi; maa aci ba mob biki tsi përo ko wi ngëtsua ja wi, ci bukun bamabal tsi bërun Nasien-batsi.

1 KORINTU 15:33

Ind tsë fal iyeen ind: Mandunandar ma waraatsa mi, ka cok bëci ñaan bëwar.

1 KORINTU 3:18

Ñaan tsë fal beenul. Tsi pëncuaf ind, uci nalon ñaan tsu beenul pëci nameko tsi umundu wi, na ciin nafuur, pa na kak na ci nameko.

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

GALAASIA 6:7

Ind tsë fäl iyeen ind: Nasien-batsi di ka riataa. Par ko wi ñaan wayan wi, wul wi nuu cët wun.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

JAKOB 1:26

Uci ñaa n ja tsi ibatsul aci nafets-bëga, te di ka mob pëndiamëntul, maa a nuu fal beenul, bëga ñaan namënts un cits koon këci ko.

JAKOB 4:11

Batsaar ni nji! Ind tsuu tsë jaarlar nga waraatsa ngi. Na n jai u waraatsa wi pa acintsul, oo na wati acintsul pëleents, aja ko u waraatsa wi pa ulua, a na wat ulua pëleents. A uci m ci tsi pëwat ulua pëleents, ande m cits naro ko wi u ja wi, maa m ci nawat wul pëleents.

JAKOB 4:17

Bi u ci bank, na mei përo uwar, a roots wul, aro ujuban.

2 PER 2:13

Bu ka yank bëluk kamabats tsi ngëko kamabats ngi bu kë ro ngi; bu win u ci ko u líl wi bukul, bukul puu ro ngëko ngëtsopal tsi pënak ndakaŋ. Bë ci mtsopi ni basal, a bu kë lílan tsi manfalar bukul, uwal wi ba tsoar wi kare ufesta ni ind.

1 JOŊ 1:8

Uci ngë ja ngë kaats ujuban, ngë fal iyeen nja bërier inja; ubaaraari cits dinja.

1 JOŊ 2:3

A tsi ko wi tsi nja kë meena tsun ngë meul: uci ngë mob tsi ngëtsuaul.

1 JOŊ 3:7

Upats uties, ñaan tsë fal ind. Na mobi tsi përo ko u mab wi, aci namabal, bi Këristu ci bi namabal.

3 JOŊ 1:11

Wi na ŋalee, tsë fets ko u waraatsa wi, maa u wara wi. Ñaan ni kandoi uwar, aci ni Nasien-batsi. A ñaan ni kandoi ko u waraatsa wi, winats Nasien-batsi.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 22:7

“Nji ka n bi ink tsi ko un car wi! Anaak, na mobi tsi irim in car yink aleentsaa di ulibëru umënts wi!”