JAKOB 1:21 - KARÚK-PËRIM KAWALU Nouveau Testament

²¹ Wul ka wun, nda wëtani ko un tsop wi, ni kabuer kajuats-ngëwaas, ndë mob ni ngëwaas-ngëjuab përim pi nda wëla pi, a pa yëlan pëbueran ind.

JAKOB 1:21 Iomraidhean Croise

MATEU 5:5

Bu naak, ban ci biki bajuab-ngëwaas, par bu kee rukanda umundu!

KAKÚRAN-KAWAR YEESU KRISTU BI JOŊ LEENŢ BI KUL AJA 6:63

Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 6:68

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

NGËRO 10:33

Din, a n yëli bañaan ba ruiu, a m do uwar bi m bi bink. Inkri, n ja ci bikink tsi bërun Nasien-batsi, pa pëte ngëko bëlieng ngi Ajug tsuu ngi pëja.”

NGËRO 13:26

Batsaar ni nji, ind pëbuka Abraam, ni ban ci biki tsi pëncuaf ind ba lënk biki Nasien-batsi, ja wëlee bukun përim pëbuër pi.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 11:17

Maa uci ilon ina cëtaa, a wi nan ci buoliwa bëreeŋ, a m kabana tsi pëlas iyul, a m duka m bof tsi ibuul bul ni tsi pëñaak bul,

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

1 KORINTU 15:2

tsi wul buts tsi nda buerëna tsun, uci nda gaang wul bi n leents ind bi wul; uci nda roots unk ba, uwak ind di ka ka bëkat.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

EFEESU 4:25

Wul ka wun, nda wëtani butsup, ndë ja nan ci nuu ñakanaan acintsul ko un ci wi ucär; par n ja bëlieng ngë ci incimëntsu uliaf uloole.

EFEESU 5:4

Irim i waraatsa yi buts, ni ngëñakan bëfuur oo ngan waraatsa ngi, ngëmënts ngan yukats; maa, u yuk wi aci puu baran Nasien-batsi.

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

TIITU 2:11

Par bëtseend Nasien-batsi, bul ban tsij bi pëbuer pa bañaan bëlieng, apibandari.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

BAYEBËREU 4:2

Par nja buts, ngë ci ba leentsa biki upetsan-uwar pi bamënts bukun; maa përim pi ba cikëndën pi kaats bëkat tsi ngëbiira bukul, par ban cikëndën biki pul bu bofanats pul ni uwak.

JAKOB 4:8

Nda gige wokan Nasien-batsi, din në wokan ind. Nda ñawan iñan ind, ind baro-ngëjuban; nda jëntsani ngëwaas ind, ind ba tsijëna ngëwejats ngëtëb.

JAKOB 5:20

ndë me, nan pënanii najuban tsi bëga bi na ro bi niamëna, ka bueran ubiira ñaan namënts un tsi pëcäts, në kund ngëjuban ngëcumal mak.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 1:9

ndë tsënkan utuami uwak ind, un ci wi pëbuer ngëwaas ind.

1 PER 2:1

Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.