JAKOB 1:19 - KARÚK-PËRIM KAWALU Nouveau Testament

¹⁹ Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.

JAKOB 1:19 Iomraidhean Croise

MATEU 5:22

Maa nji, man ja ind: Nan diabatsari ni ba tsaari, në wata pëleents; a nanjai ni ba tsaari, raka, në wataa pëleents di kato kawat-pëleents kawiak; a na njai ni ba tsaari, nafuur, nii lacana pa nfeernu bërua.

MARKU 12:37

Dawid bërierul ka ruul Ajug, a um bi na yëlan bun pëci abukul?” A kandënd bañaan kawiak kë cikëndënul ni ulílan.

MARKU 2:2

a bañaan bacumal bi ee júk aa tsëko tsënats cits, ŋal tsi pëlëman; a na ci tsi pëleents bukul përim.

LÚKAS 15:1

Bayep bëluk-uraasa, ni bajuban, bë tsëp bëlieng ee wok Yeesu, pa pëcikëndënul.

LÚKAS 19:48

Maa bë meets ko wi ba yëlan wi përo, par bañaan bëlieng bë baar ibats tsi pëcikëndënul.

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 10:33

Din, a n yëli bañaan ba ruiu, a m do uwar bi m bi bink. Inkri, n ja ci bikink tsi bërun Nasien-batsi, pa pëte ngëko bëlieng ngi Ajug tsuu ngi pëja.”

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

NGËRO 17:11

Maa, bamënts biki ape bañaan Tesalonika pëwaants ngëwaas, par bë yank përim ni uŋal ngëwaas bukul; a ba ja kara unu, bu kë teen tsi Bëpican ne ngi ba leentsa ngi aci unk.

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

EFEESU 4:26

Uci nda riabats, ind tsë juban; te ind tsë wamand uriab a unu ka yër.

EFEESU 4:31

Kajuats-uwaas, ni uriab, ni ukulëñ, ni ma njanësar, ni mankarar ni kawaraatsa, ngan bëlieng nga pënanaan tsi ind.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

KOLOS 3:8

Inkri, bi u ci bank, ind buts nda wëtani ngëmënts ngi ngul bëlieng: ukulëñ, ni uriab, ni kajuats-uwaas, ni pëja uwutsëtsuel tsi uleka ñaan, ni irim karika-kawa i kan pëni yi tsi itum ind.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

JAKOB 1:16

Batsaar ni nji, ind biki n ŋal biki! Ind tsë fal iyeen ind;

JAKOB 1:2

Batsaar ni nji! Tsi unoor wi nda ciina wi ba këciina, nda moban wul ni ulílan un kës wi;

JAKOB 1:26

Uci ñaa n ja tsi ibatsul aci nafets-bëga, te di ka mob pëndiamëntul, maa a nuu fal beenul, bëga ñaan namënts un cits koon këci ko.

JAKOB 2:1

Batsaar ni nji! Ind tsë jej uwak ind tsi Ajug nja Yeesu Këristu, nul nan dëmbanee, ndë bofëlan wul ni pëkicës bañaan.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

JAKOB 3:10

Mtum mi ka n ja mi ngëwar, ka ja buts ngëwutsëtsuel. Batsaar ni nji! Ko kaats pëci ank.

JAKOB 4:11

Batsaar ni nji! Ind tsuu tsë jaarlar nga waraatsa ngi. Na n jai u waraatsa wi pa acintsul, oo na wati acintsul pëleents, aja ko u waraatsa wi pa ulua, a na wat ulua pëleents. A uci m ci tsi pëwat ulua pëleents, ande m cits naro ko wi u ja wi, maa m ci nawat wul pëleents.

JAKOB 5:12

Batsaar ni nji! Ucak ngëko bëlieng ci wun wi: Ind tsë baaja pa batsi, nin pa utsia, nin ulon ubaaja. Eey-e ind, aka pëci eey-e; a Naaw ind ka pëci naaw, pa nda rits wata pëleents.

JAKOB 5:19

Batsaar ni nji! Uci nalon tsi ind niam alawan ucär, a nalon kakaniul tsi wul,

1 JOŊ 2:21

Cits pëjaa nda meets ucär ka wun n picari ind, maa man picari par nda me wul; a nda me buts, yaas a bëtsup ka pënë-ni tsi ucär.