JAKOB 1:12 - KARÚK-PËRIM KAWALU Nouveau Testament

¹² Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.

JAKOB 1:12 Iomraidhean Croise

MATEU 10:22

Bañaan bëlieng ka bër ind undo katim nji; maa nan tambandari te tsi utuami, në buer.

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

LÚKAS 6:22

Nda naak, uwal wi bañaan ñaas ind wi, uwal wi ba pënan ind wi tsi ngiic bukul, a bu kë kar ind, a bu kë cok ind itim, undo Abuk ñaan-najin.

ROOMA 5:4

a pëtambandër kë tsiji bëmabal tsi mteenamana, a bëmabal tsi mteenamana kë tsiji uwats.

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

1 KORINTU 2:9

Maa iink picana run: “Ngëko ngi këkës winats ngi, ngi ibats teets ngi, ngan niajats ngi yaas di ngëwaas bañaan-bajin, ngul ngi Nasien-batsi yecis ngun pa ba ŋalul biki.”

1 KORINTU 8:3

Maa uci ñaan ŋal Nasien-batsi, Nasien-batsi ka meul.

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

2 TIMOTEU 2:15

Támbandari kë nats tsi bërun Nasien-batsi pi ñaan na lílandëree, pi naleemp nandootsi ko wi kan tsuul wi mkaw, a nuu jukan uwar përim ucär.

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

BAYEBËREU 10:32

Nda lesan-e ngënu ngëcäk ngun, uwal wi nda ru ba unk pëyank ufac, din a nda kaman ukam uwiak, un tsijand wi unoor:

BAYEBËREU 11:17

Uwak, wi Abraam wëlëna wun Isaak na ci bëjakan, uwal wi Nasien-batsi teenamanul wunk. Nul na yanki ngëwatsan, aruka ro ci tsi pëwël abukul naloole baŋ na ci bëjakan,

BAYEBËREU 12:5

a nda fin përim kaliinc-liincan ngëwaas pa n jaka ind pi, pi nda ci babuk: “Abuk nji, tsë be bi Ajug kë cikësu bi; a uwaasu tsë ba, uwal wi na ci wi tsi pëleentsaru.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

JAKOB 5:11

Nda me koon, n ja koo ja, bu naak, ban tambandar biki. Nda te uleka umiira wi Job miira wi, a nda win ko wi Ajug tsuul wi pëtuamanaan; par Ajug acum ni mjampësa, ni kayëk-ipës.

1 PER 3:14

Maa uci buts ndee tsua tsi unoor undo bëmabal, ndë ci ba naak biki. Ind tsë lal bukul nin ind tsë lënk;

1 PER 4:13

Maa nda lílani bi nda bofana bi tsi unoor Këristu, pa upibandari përëmbul ind buts ndë juc ni ulílan.

1 PER 4:14

A uci nda karaa tsi undo katim Këristu, nda ci ba naak biki, par Uwejats përëmb, un ci wi Uwejats Nasien-batsi, aci tsi ind.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

1 JOŊ 4:19

Nja ngë ka bëŋal, par Nasien-batsi ŋal nja un bërun.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 3:19

Nji, biki n ŋal biki bëlieng, man nja ndoon ka leentsar bukul, ka kus bukul. Bi u ci bank, ciin nayëkandar-ko, kë yaar ibats.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.