FILIIPUS 4:8 - KARÚK-PËRIM KAWALU Nouveau Testament

⁸ Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

FILIIPUS 4:8 Iomraidhean Croise

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MARKU 6:20

par Eroodis alal Joŋ, ame na ci niints namabal, najënts; a na waayul. Aja na teul, katse ka me ko wi nu ro wi, maa në ŋal aatsum puu cikëndënul.

LÚKAS 16:15

A Yeesu ja bukul: “Ind, nda ci ban ja bukunk ba roon bu kë tsu iyeen bukul pëci bamabal, tsi bërun bañaan-bajin; maa Nasien-batsi ame ngëwaas ind. Par, ko un dëmbanaa wi tsi bërun bañaan-bajin, añutsan tsi bërun Nasien-batsi.

LÚKAS 2:25

A u ka nalon ñaan di Jerusalem, katimul Simeon; aci namabal, na lënk Nasien-batsi, nuu lip kajuabëtsana-uwaas Israel; Uwejats ujënts ci tsi nul.

LÚKAS 23:50

A u ka nalon niints, ni kan jakee Juse; aci ñaan kato kawat-pëleents kawiak; a na ci ñaan na waree uwaas a na maband.

KAKÚRAN-KAWAR YEESU KRISTU BI JOŊ LEENŢ BI KUL AJA 7:18

Ñaan ni ka ñakandar ulekaul bërierul, namënts un ka tsas këtsas Përëmbul bërierul; maa, ñaan ni kan tsasi Përëmb na yëliuli, namënts un aci nacär, a kamabats cits tsi nul.

NGËRO 10:22

A ba ja: “Korneeliu, aci kapëton basondaari, niints namabal, na lënkand Nasien-batsi; a ucaak Bajudeu bëlieng kë jaarul ko u wara wi. Ulon uwaanju uyëma njaul wun na ruiu bi katoul, nii te irimu.”

NGËRO 22:12

A u ro ka nalon niints, ka jaka Ananias, aci ñaan na lënki Nasien-batsi, a na mab tsi ulua, a Bajudeu ban ci biki rul bëlieng kë ja ngëwar tsi ulekaul.

NGËRO 6:3

Maa, batsaar ni wund! Nda ratan bayënts paaj ni nalon tsi ind, biki ka n jaara biki ngëwar, a ba cum Uwejats-ujënts ni kameko, nja ka tsu bukul tsi uleemp wi.

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 13:3

Par, bawiak ucaak, bu ri ka lalaa, uwal wi ñaando wi uwar, maa uroko uwal wi ñaan do wi ko u waraatsa wi. M ŋal përits lal pësien-a? Doan ko u wara wi, din pësien ka bëndanu;

ROOMA 14:18

Nan ci tsi pëleempar Këristu a nuu ro unk, Nasien-batsi ka lílandërul, bañaan-bajin ka niiranul.

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

1 KORINTU 4:5

Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.

2 KORINTU 13:7

Wul ka wun, wund aci tsi pëñaan Nasien-batsi pa ind tsë ro ulon ko u waraatsa wi; maa pa ind përo uwar, ŋal bi u naam bi wund ayër. Cits pëjaa wund aci ban par biki tsi pëteenamana,

2 KORINTU 6:8

uci ank tsi wund përispitaara ni përispitaraatsa, uci ank tsi wund pëcokaa itim ni pëwarandana itim, pi wund aci bafalar, wund ban ci biki bacar;

2 KORINTU 8:18

Wund ka yëli nalon nan tsaari ni nja nul ni iriisia bëlieng kë bëndani tsi undo Upetsan-uwar, në ci ni Tiitu.

2 KORINTU 8:21

Ko wi wund pe wi pëfierand aci përo ko u mab wi, a cits tsi bërun Ajug rin; maa tsi bërun bañaan buts.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 4:25

Wul ka wun, nda wëtani butsup, ndë ja nan ci nuu ñakanaan acintsul ko un ci wi ucär; par n ja bëlieng ngë ci incimëntsu uliaf uloole.

EFEESU 5:9

par ko wi ufac kë buk wi aci karo-uwar kan ci ki ba këci, ni bëmabal ban ci bi ba këci, ni ucär un ciwi-ba këci.

EFEESU 6:14

Wul ka wun, nda natsan uwar ndë tsij ucär pi katël tsi bëlank, nda waan kakundi bëjinc ki bëmabal;

FILIIPUS 3:1

Pëtuamës, ind batsaar ni nji, nda lílani tsi Ajug! Nji pëpicari ind ngëloole ngëmënts ngun, cits ko u ñatsin wi përo; te aci uliincëni ind.

KOLOS 4:5

Nda yandaari ni kameko, tsi bëci ind ni bañaan utsand. Nda jalaan tsi uwal un ci wi-ba këci.

1 TESALONIKA 4:12

Din, bañaan utsand ka win bëci ind bëwar; unk nda rits fier ñaan.

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 TIMOTEU 3:11

A bakaats buts, bu ka pëci bañaan-urispiitu, barika-ja ko u waraatsa wi tsi uleka ñaan; bu ka pëci baliingëlën-ko, bamab tsi ngëko bëlieng.

1 TIMOTEU 3:4

Aka pëtsij katoul uwar, në tsu upätsul ba mob tsi përimul ni urispiitu bëlieng.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

1 TIMOTEU 5:2

ŋaats natsafal pi aci aninu, ŋaats nan tsafatsi pi nda tsaar; kuu ro ank tsi ko un jënts wi cës.

TIITU 1:8

Maa aka pëci nawelan-batsooŋ, naŋal-uwar, natsëkal, namabal, nalënk-nasien-batsi, namob-beenul,

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 2:2

Jaan bayënts batsafal ba ci baliingëlën-ko, bañaan-urispiitu, baka-ibats, baci-uwar tsi uwak ni tsi bëŋal ni tsi mantambandër.

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

BAYEBËREU 11:2

Undo wul, ka wun uwar leentsaa tsi uleka bajon.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 2:12

Nda ciin biki ka yandaar biki uwar tsi pëncuaf ban cits biki Bajudeu. Unk ŋal tsi ko uwutsëtsuel wi bu kë jaar ind wi, pi nda ci baro-ngëko-kawaraatsa, bu ka facana tsi undo ngëko ngëwar ngi ndë ro ngi, bu ka bëndan Nasien-batsi tsi unu wi nuu bi wi buwuula.

1 PER 4:8

A tsi ruets ngëko ngan bëlieng, nda tambandari bërier ind pëŋalëlar, par bëŋal ka kund ngëjuban ngëcumal mak.

2 PER 3:1

Bamiñ ba ŋala biki, wi ci wun uletar utëbantsan wi n du n picar ind wi. tsi ngul ngëtëb, man ci tsi pëlesan ind ngëko ngi, pa pëwamb ngëwejats ind ngëjëntsal;

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.