FILIIPUS 4:6 - KARÚK-PËRIM KAWALU Nouveau Testament

⁶ Ind tsë lënkar ko; maa tsi ko un ci wi-ba këci, ndë ja tsi bëñaan ni tsi pëbuara, ni pëbaranaand, ndë yep Nasien-batsi ngi nda fier ngi.

FILIIPUS 4:6 Iomraidhean Croise

MATEU 10:19

A utsëpanda ind kawat-pëleents, ind tsë wejats bi ndu ñakan bi, ni bi ndu ja bi. Par, tsi uler umënts, ndu leentsa ko wi ndu ja wi.

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MATEU 6:34

A bi u ci bank, ind tsë wejatsar unu faan, par unu faan ka wejatsar wun been. Kara unu ni mcibi.

MATEU 6:8

Ind tsë ro pi bukul, par Asin ind ame ba ko wi nda ŋal wi, tsini nda ruka ka yepul.

LÚKAS 10:41

Ajug yankul aja: “Maarta, Maarta! M yëkanaand ngëko ngëcumal a nga cumu been,

LÚKAS 12:22

Din, a Yeesu ja bafetsul: “Ko umënts wun, ka wun ndu nja ind: Ind tsë wejatsar tsi uleka ubiira ind tsi uleka ko wi nduu re wi. Te ind tsë wejatsar tsi uleka ngëliaf ind tsi uleka ko wi nduu tiema wi.

LÚKAS 12:29

Ind tsë fierand ko wi ndu re wi, ni wi ndu raan wi; ngul tsë cum ind uwejats.

LÚKAS 18:1

A Yeesu tib bafetsul përim, pëpiban bukul ba ka ba roon bu kë ñaan ngënu bëlieng, te ba rits wëtan;

LÚKAS 18:7

Ande Nasien-batsi di ka faŋan biki na rat biki-a? Bukul ba nja biki ba roon bu kë kat përim koo ruul pënak ni bërëm; kee na jon pëyankar bukul-a?

1 KORINTU 7:21

Kë ruee a m do ci naluek-a? Kaatsu pëwejats ko wan. Maa uci m ka bi kë ro a kë ci nafacal, doon koon.

1 KORINTU 7:32

Ko wi n ŋal wi, aci ind përits ci tsi puu wejats. Ñaan na nimatsi ka wejats ngëko Ajug, nuu tsas bi në ro bi a Ajug ka lílandërul.

2 KORINTU 1:11

Ind buts nda tsënk wund ni bëñaan ind, unk bëtseend bi wund kë ka bi tsi bañaan bacumal biki ka ñaanar wund biki, ka ruka ci kabaran Nasien-batsi mak tsi undo wund.

EFEESU 5:20

nda ru kë ja Nasien-batsi, nul nan ci Asin, baran tsi ngëko bëlieng tsi katim Yeesu Këristu Ajug nja.

EFEESU 6:18

Nda moban tsi bëñaan tsi Uwejats-ujënts ngëwal bëlieng, ni tsi puu yep. Nda tambandari pëwaay tsi ko umënts wan, ni tsi puu yep pa bayëman bëlieng.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

KOLOS 4:2

Nda moban tsi bëñaan, nduu waants ibats tsi bul, nduu baran;

1 TIMOTEU 2:1

Bi u ci bank, ko wi n du n ja wi, tsi ucak ko, ci wun wi: Pëmob tsi puu yep, puu ñaan, puu ñaandar, puu baran, pa bañaan bëlieng;

1 TIMOTEU 5:5

Nan catsëndani ayënul a na baaraan përuka unk, a na ci koorul baŋ, namënts un atsu uwatsul tsi Nasien-batsi, a bërëm ni pënak nuu tambandar tsi pëyep bëtsënk, ni tsi bëñaan.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

1 PER 5:7

nda welani tsi nul ngëko ngi nda tsaag ngi ba këtsaag, par nul ka tsuunkar ind unk.