FILIIPUS 4:5 - KARÚK-PËRIM KAWALU Nouveau Testament

⁵ Kajuab-ngëwaas ind, bañaan bëlieng ba mean kul. Ajug awokani.

FILIIPUS 4:5 Iomraidhean Croise

MATEU 6:25

Wul ka wun ndu nja ind: Ind tsë lënkar ubiira ind, tsi ko wi nduu re wi, oo tsi ko wi nduu raan wi; te ind tsë lënkar iyeen ind tsi ko wi nduu tiema wi. Par, ubiira ñaan peets bariala a, a uliaf peets kaŋí-katiem-a?

MATEU 6:34

A bi u ci bank, ind tsë wejatsar unu faan, par unu faan ka wejatsar wun been. Kara unu ni mcibi.

LÚKAS 21:34

Nda rukan ibats tsi uleka ind bërier ind, ngëwaas ind përits cum ni bëwaamal, ni ukuj, ni kawejats ngëko ubiira, pa unu umënts përitsii baandë-ni ind ucar umënts

1 KORINTU 16:22

Uci ñaan ŋalats Ajug, na ciin tsi ujuatsal. Maranata!

1 KORINTU 6:7

Bi nda tsijar bank tsi nda ci tsi, apiban koon nda yër ba këyër. We ka wun a nda ri ka miira, uci nda guusa? We ka wun a nda ri ka miira pëcaanaa ngëko?

1 KORINTU 8:13

Wul ka wun, uci kare-ko ka tsu kun ni wund tsaari na yër tsi ujuban, in katse ka n de uyamats yaas, pa nji përits ci ni kan tsui ni wund tsaari na yër tsi ujuban.

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 TESALONIKA 2:2

Ngëwejats ind tsë car pëgusëlër, nin ngëwaas ind tsë nats kënats, undo aka përim ank pa leents pi u meaatsa wi, oo ko jaka wun ank, oo aka uletar un jaka wi apënë-ni tsi wund ank, a nga tsu ind pëja ne Unu Ajug abaandi.

TIITU 3:2

Bukul tsë ja uwutsëtsuel tsi uleka ñaan, ba ciin barika-tsas ukam, bajuab-ngëwaas, bu kë piban kajuab-uwaas tsi uleka bañaan bëlieng.

BAYEBËREU 10:25

Nja tsë wëtan puu júk, bi balon wakëtsa bi përo; maa nda ju ngë liinc-liincandar ngëwaas, par ind win bukunk Unu kë wokani.

BAYEBËREU 10:37

Par, Bëpican aja: “Awama ruka ko uties, uwal uties mak, din ni kan bii ka bi, di ka faatsani.

1 PER 1:11

bu tsas pëme uwar uwal umënts, ni ngëko ngi kan piban ngi ko wan kë ci, bi Uwejats Këristu un ci wi di bukul, leents bi ki këlum ngënoor ngi Këristu kë par-na ngi, ni përëmb pan ka pi pii fets ngul.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

UPIBAN 22:20

Na leentsi ngëmënts ngun, aja: “Eey-e! Nji ka n bi ink tsi ko un car wi.” Ameen! Bili, Yeesu, Ajug!

UPIBAN 22:7

“Nji ka n bi ink tsi ko un car wi! Anaak, na mobi tsi irim in car yink aleentsaa di ulibëru umënts wi!”