FILIIPUS 4:1 - KARÚK-PËRIM KAWALU Nouveau Testament

¹ Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

FILIIPUS 4:1 Iomraidhean Croise

MATEU 10:22

Bañaan bëlieng ka bër ind undo katim nji; maa nan tambandari te tsi utuami, në buer.

KAKÚRAN-KAWAR YEESU KRISTU BI JOŊ LEENŢ BI KUL AJA 8:31

A Yeesu ja Bajudeu ba uwak biki tsi nul: “Uci nda mob tsi përim nji, ndë baaraan pëci bafetsin,

NGËRO 11:23

Bi na band bi, a na win bëtseend Nasien-batsi, na lílan, a na liinc-liincan bukul ngëwaas bëlieng, pa ba mob ba liincan tsi Ajug, di ngëwaas bukul bëlieng.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

1 KORINTU 16:13

Nda waayan, nda moban tsi uwak nda liincan, nda ciin bayënts, nda kaan uyëlan.

2 KORINTU 1:14

bi nda me bink ba ko ulon tsi wund; par wund ci bukun ko wi ndu pícëna wi, nda ci buts wiic wund tsi Unu Yeesu Ajug inja.

GALAASIA 5:1

Këristu afacan nja pa n ja pëci bafacal. Nda ciin baliincal, ind tsë kaka niaj tsi pëluek.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 1:8

Par, Nasien-batsi awin bi n tsu ind bi bëlieng mak tsi uwaas nji, ni kayëk-ipës ki Këristu Yeesu yëk ki.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

FILIIPUS 2:26

Par, arí mak pëwin ind bëlieng. Ajuatsan par nda te na maak.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 3:13

Na liinc-liincani ngëwaas ind, pa ndë ci ban kaats biki ulaci tsi bëjëntsal, tsi bërun Asini nja Nasien-batsi, ubi Ajug nja Yeesu ni bayiicul bëlieng bayëman.

2 TESALONIKA 2:15

Batsaar ni wund, bi u ci bank, nda liincandari, ndë mob tsi ngëdimaan ngi nda jukana ngi; uci ank tsi ko wi wund jukan ind wi ni mtum, oo tsi uletar wund.

2 TIMOTEU 2:1

Wi, napäts nji! Bi u ci bank, liincandari tsi bëtseend ban ci bi tsi Këristu Yeesu.

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.