FILIIPUS 3:19 - KARÚK-PËRIM KAWALU Nouveau Testament

¹⁹ Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

FILIIPUS 3:19 Iomraidhean Croise

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

2 PER 2:3

Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

KOLOS 3:2

Nda tsuun ibats ind tsi ngëko ruets, cits tsi ngi utsia.

2 PER 2:1

Bi bayëlia batsup ro bunk ci tsi pëncuaf bañaan-ucaak, unk buts di bajukan-ngëtsua batsup kii cili run tsi pëncuaf ind. Bu ka niajan bëjukan ban cika bi, bi kan cok bi, te u tsu bukul pëbër Ajug, nul nan buerani bukul; bu ka tsiji kacok kacaral tsi ruets iyeen bukul.

2 KORINTU 11:15

Maa cits ko u ñats wi, pa baleemp wul, pëwitsësar ba naam baleemp bëmabal; utuami bukul ka ci pi ngëleemp bukul.

2 KORINTU 11:12

Maa ko wi ndu ndo wi, mán wama ka ndo wul pa përíc bëga biki kan tsas biki bëro, pëjaka bu liing ni wund tsi ko wi bu kë bëndan wi iyeen bukul.

2 PER 2:13

Bu ka yank bëluk kamabats tsi ngëko kamabats ngi bu kë ro ngi; bu win u ci ko u líl wi bukul, bukul puu ro ngëko ngëtsopal tsi pënak ndakaŋ. Bë ci mtsopi ni basal, a bu kë lílan tsi manfalar bukul, uwal wi ba tsoar wi kare ufesta ni ind.

GALAASIA 6:13

Par ŋal ba welana biki kambac, bu mobats tsi ko wi ulua ja wi; maa bu ŋal ind pëwelana kambac, pa tsi ngëliaf ind, bu kë rëmbandar.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

2 TIMOTEU 3:4

baya ñaan ufets, bacar-uriab, biki mguukandër kuelëtsan biki, baŋal ngëlílal te pë jaa bë ŋal Nasien-batsi;

1 TIMOTEU 6:5

ni mŋom man dits mi ka ba, mi bawaraats ngëwejats a bu katse me ucär, a ba ja ne pëlënk Nasien-batsi ka tsiji pëka bëka.

2 TESALONIKA 2:12

Din bañaan bëlieng ba uwakats biki tsi ucär ka lacana, bukul balílan tsi kamabats.

FILIIPUS 2:21

Par, aja nan ci nuu tsasar ngëko beenul, cits ngi Yeesu Këristu.

1 KORINTU 5:6

Upíc ind waraatsa. Nda meets bëko-bëlëtsatsaani bëties kë lëntsëntsan ifar bëlieng-a?

1 KORINTU 5:2

Nda ci tsi mguukandar a nda juatsanats! Ñaan nando ank ko wan na pënanaan tsi pëncuaf ind.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

JAKOB 4:16

Maa ind, nda ci tsi pëguukandër tsi mtsupalar ind. Mguukandër pi mmënts mi, aci ko u waraatsa wi.

2 TESALONIKA 2:8

Din Kanfetsats-ngëtsua ka pibanee, nul ni Yeesu, Ajug, kë fiŋi ni ufuts mtumul, në ba ni nul ni ufietsar pëbiul.

LÚKAS 18:4

Nawat-pëleents ja na roon di ka cikëndënul, te ko jon. Maa tsi bërun, na ja tsi ibatsul: ‘Ŋal bi n lënkats bi Nasien-batsi, a nji n rispiitaarats ñaan,

LÚKAS 16:19

“Aka nalon narëmb nanjai na roon nu tiema iŋi ijankal caw, a i ñats mak. A na ja kara unu në ci tsi ulílan, nuu kul.

LÚKAS 12:19

Din, ka ja uwaas nji: Uwaas nji, m dëmban ngëkou ngan jukëlëna ngi, pa ngëwaanu ngëcumal. Naakësaan, dialaan, daanan, ciin tsi ulílan uwiak.”

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 16:23

Maa, a Yeesu witsësa, a na ja Per: “Pënan lawanin, Useetaani! M ci natsuin pëyër, par ngëwejatsu cits ngi Nasien-batsi, maa ngi bañaan-bajin.”

UPIBAN 18:7

Bi pa rëmbandar bunk, a pa baar ibats tsi ngëko uroonku, nda tsuun pul unoor ni unjuatsia-puum nda liingan unk! Par pul, aci tsi pëja tsi uwaas pul: ‘Nji n tsoar ink pi nasien-ŋaats, nji n cätsëndënats ayën nji, a te unjuatsia-puum di ka baandë-niin yaas.’

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

ROOMA 6:21

A tsi utuami, buom bëkat bi nda ka bun? Aci ngëko ngi nda kawara ngi inkri, par utuami ngul aci pëcäts.

2 TESALONIKA 1:9

Pëlukana pi bu kë lukana pi, ka ci bukul pëcokaa uloole, ba lawan urostu Ajug ni përëmb pëyëlanul.

JÚDAS 1:10

Maa bañaan bamënts biki, bu ka kar ko wi ba meets wi uwar. A ko wi ba me wi tsi bëci bukul bi kameets-ko pi ngënjär ngan dits ngi ka wejats, ko umënts wun ka cok wun bukul.