FILIIPUS 3:12 - KARÚK-PËRIM KAWALU Nouveau Testament

¹² Cits pëjaa ne, man yank ba umënts wan bëlieng, oo ne manduka n ba ba pëwarandana. Maa, man ci tsi pëtukar pëmob wul, par nji bërierin, Këristu Yeesu amobin.

FILIIPUS 3:12 Iomraidhean Croise

MATEU 5:48

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 8:39

nin unatsar, nin uwandar, nin ulon ko uleempa wi këleempa, yëlants pëpatsës nja ni bëŋal Nasien-batsi, ban ci bi tsi Këristu Yeesu, Ajug nja.

1 KORINTU 13:10

Maa, uwal wi un kës wunk bi wi, din un kësats wunk ka ba.

1 KORINTU 13:12

Par inkrinja ka teen tsi kateenaraani pi arëmënts, maa tsi uwal wi kan bi wi, ka ci këkës ni këkës. Ko wi n me wi inkri, kësats buko, maa mee n me uwar, bi n mea bi uwar buts.

1 KORINTU 9:24

Nda meets biki kan túk biki di unkampu ja ba roon bu kë túk bëlieng, maa naloole rin ka yank un bëluk a? Nda túkan bi u ka bi pëtukaa pa pëtsënkan bul.

2 KORINTU 13:9

Wund ka lílan tsi uwal wi wund raf wi a ind nda liinc, umënts wan ci wun ko wi wund kë ñaan wi, bëliincal ind.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 5:17

Par, uliaf ka kaman Uwejats Nasien-batsi, a Uwejats Nasien-batsi këkaman uliaf; ngëtëb ngëmënts ngi, aja un ci wi uu kaman ucints wul; unk, nda rits uu ro ko wi nda ŋal wi.

EFEESU 1:4

Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

EFEESU 4:12

pa pëyecis bayëman pa përo uleemp, pa bukul pënatsan uliaf Këristu,

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 3:16

Maa tsi ngë ruka tsink aband, nda ju ngë bof pëya bërun.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

1 TESALONIKA 5:15

Nda katan ibats, ñaan tsë lukan uwutsëtsuel wi na rolaa wi. Maa tsi ngëwal bëlieng nda tsasan puu rolar uwar, ni puu ro wul bañaan bëlieng.

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

1 TIMOTEU 6:19

Unk di bu kuu jukëlën dun bëka buwar, bëliincal, pa tsi bërun, pa bukul pii tsënkan ubiira un ci wi ubiira ucär.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

BAYEBËREU 12:23

Nda baandi tsi bëjúk ijan, bukul ban picana biki itim di batsi. Nda baandi tsi Nasien-batsi, nawat bañaan bëlieng pëleents, tsi ngëwejats bamabal, bukul ban tsua biki a ba ba pëci bawar,

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

JAKOB 3:2

Nja bëlieng, nja ka yaaraar tsi ngëcumal. Uci ñaan ci, nan ditsi ka yaaraar tsi përim, namëntsan aci ñaan nan bai pëci nawar, na yëlani pëtsëkan uliaful bëlieng.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!