FILIIPUS 3:10 - KARÚK-PËRIM KAWALU Nouveau Testament

¹⁰ Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

FILIIPUS 3:10 Iomraidhean Croise

MATEU 20:23

A Yeesu ja bukul: “Ucar, ndii raan tsi karaani nji; maa pëtsoar tsi kajara nji kariir oo kamay, cits nji ka n tsu un ko wan. Maa ko wan, aci pa biki Asin nji yecisër biki.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:18

Ñaan di ka pënanin ubiira, maa nji ka n wël un wul bërierin. Man ka pëyëlan pa pëwël ubiira, ni pëyëlan pa pëyank wul kak. Utsua umënts wi, man yankëni wul di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

ROOMA 8:29

Par biki na me biki ki ujuundi, a na car ayecis bukul buts pa ba ci pi bënaam Abukul, nul në ci bajan tsi biki ba tsaar biki bacumal.

ROOMA 8:36

Bi u picana bi aja: “Undou ka wun wund tsua tsi pëcäts unu upëban, a wund tsuaa pi ngënkanel di tsëfiŋëni.”

2 KORINTU 1:10

Nul bueran wund un tsi pëcäts pëmënts pi, ka bueran wund un kak; nul ni wund watsaraan un, ka bueran wund un.

2 KORINTU 1:5

A bi unoor Këristu cum bi tsi wund, unk buts di kajuabëtsan ngëwaas wund tsi Këristu cum dun.

2 KORINTU 13:4

Par nul arieŋa di kruus tsi undo bërafalul; maa na kak aci nayësal tsi pëyëlan Nasien-batsi. Wund buts wund aci barafal tsi nul, maa wund ka kaana ubiira tsi nul tsi pëyëlan Nasien-batsi, pa përo uleemp pa ind.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 6:17

Pa pëtuamës, ñaan tsë cokin uwaas; par man tsij ngëlu Yeesu tsi uliaf nji.

EFEESU 4:13

te nja ka ruka ci bëlieng tsi kambof uwak, ni tsi pëme Abuk Nasien-batsi, tsi bëci niints nan bandi këjëŋal ni pëliing ni Këristu tsi bëciul ban band bi.

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

KOLOS 2:13

A ind ban do biki cats undo kaguus-ko ind, ni undo kawelaatsa-kambac tsi ngëliaf ind, Nasien-batsi tsu ind a nda ci bayësal ni Këristu: Ajampësa nja ngi ngë ro ngi nga waraatsa ngi ngul bëlieng,

KOLOS 3:1

Bi nda natsee bunk ni Këristu di pëcäts, nda tsasan ngi ruets, di Këristu tsoar ri, tsi kariir Nasien-batsi.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

2 PER 1:13

Maa bi n wama bink a n ci tsi unkundan wi, ma win u ci ko u mab wi, nji puu lesës ind ngëko ngi.

1 JOŊ 2:3

A tsi ko wi tsi nja kë meena tsun ngë meul: uci ngë mob tsi ngëtsuaul.

1 JOŊ 2:5

Maa, na mobi tsi përimul, tsi ucär, bëŋal Nasien-batsi acum tsi nul. Unk, nja ka me ngë ci tsi Nasien-batsi.

UPIBAN 1:18

ni Nayësal; mando n cats, maa nji n ci ink nayësal pa sandëndën. Nji n tsijëna un inigësaani pëcäts ni yi mcats.