FILIIPUS 2:8 - KARÚK-PËRIM KAWALU Nouveau Testament

⁸ na welan beenul, aruka mob tsi ko wi na jaka wi. Unk te di pëcäts, pëcäts pan ci pi pi kruus!

FILIIPUS 2:8 Iomraidhean Croise

MATEU 17:2

A bënaamul witsësar tsi bërun bukul. A urostuul kë yëk pi unu, a iŋiul witsa ifaacal pi ufac.

MATEU 26:39

A uu ba, a na kikësa ko uties, a na yër alëm urostu tsi utsia, a nuu ñaan a nuu ja: “Asin nji! Uci u yila bëro, karaani kan ci kink ki unoor, ka lawanin! Maa, tsë roa bi n ŋal bi, maa bi m ŋal bi.”

MATEU 26:42

A uyaas utëbantsan, a na kikësa alawan, a na ñaan, aja: “Asin nji, uci karaani unor ki yëlaatsa pëlawana uroko ne ka raan tsi kul, uŋalu u roaan!”

LÚKAS 9:29

Bi na ci bi tsi bëñaan, bënaam urostuul witsësar, iŋiul witsa ifaacal faŋ, a yu lik-lik.

KAKÚRAN-KAWAR YEESU KRISTU BI JOŊ LEENŢ BI KUL AJA 10:18

Ñaan di ka pënanin ubiira, maa nji ka n wël un wul bërierin. Man ka pëyëlan pa pëwël ubiira, ni pëyëlan pa pëyank wul kak. Utsua umënts wi, man yankëni wul di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:31

Maa umënts wan aci, pa umundu pëme, nji ma ŋal Asin nji, a n ja n doon ka ro ko wi Asin nji tsuin wi. Nda natsaan, nda ju ngë pën tsi!

KAKÚRAN-KAWAR YEESU KRISTU BI JOŊ LEENŢ BI KUL AJA 15:10

Uci nda mob tsi ngëtsua nji, ndë mob tsi pëci tsi bëŋal nji, bi n mob bi tsi ngëtsua Asin nji, a n mob tsi pëci tsi bëŋalul.

KAKÚRAN-KAWAR YEESU KRISTU BI JOŊ LEENŢ BI KUL AJA 4:34

A Yeesu ja bukul: “Bariala nji aci përo uŋal na yëliini, ni pëtuam uleempul.

NGËRO 8:33

Tsi mkawul na laaŋa ufaŋi. Yën kee leents un bi kajërul ci bi ja? Par, ubiiraul apënanaa tsi umundu.”

ROOMA 5:19

Par bi ñaan-najin naloole baŋ niiraants bunk përim, a bañaan bacumal tsuaa bajuban; unk buts di bañaan bacumal kë tsua run bamabal, undo bi ñaan-najin naloole baŋ niiran bunk përim.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 12:4

Tsi ukam wi nda ci wi tsi pëkaman ujuban, nda netse liincandar te pëñaak ind tulaa,

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.