FILIIPUS 2:3 - KARÚK-PËRIM KAWALU Nouveau Testament

³ Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

FILIIPUS 2:3 Iomraidhean Croise

LÚKAS 18:14

Man ja ind: Namëntsi ajuŋa tsëp katoul atsua namabal, maa nacints nun dolaatsa ank. Par, nan diangi beenul, në welanaa, a na welani beenul, në riangaa.”

ROOMA 12:10

Nda ŋalëlari di ngëwaas ind ni bëŋal mantsaalar, ndë ja ñaan, në rëmban acintsul.

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 15:9

Par nji man ci nan pei pëtiesëts tsi bapostolu, te nji n tsënkaants pëjaa mandua katim Apostolu, par man noor-nooran Ngëriisia Nasien-batsi.

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

2 KORINTU 12:20

Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.

GALAASIA 5:15

Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.

GALAASIA 5:26

Nja tsuuts rëmbandar, pa puu tsu bañaan ba riabatsar bacints bukul, ni pëja bañaan, bu ka koc bacints bukul.

EFEESU 4:2

ni kawelan-iyeen ind bëlieng ni kajuab-ngëwaas, ni umiira. Nda ru kë míirëlar tsi nda ci tsi ni bëŋal,

EFEESU 5:21

Nda welani iyeen ind tsi nda ci tsi, tsi pëlënk Këristu.

FILIIPUS 2:14

Nda roan ko un ci wi-ba këci, te mŋëmŋëm tsë ci, mantotëlër tsë ci.

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

KOLOS 3:8

Inkri, bi u ci bank, ind buts nda wëtani ngëmënts ngi ngul bëlieng: ukulëñ, ni uriab, ni kajuats-uwaas, ni pëja uwutsëtsuel tsi uleka ñaan, ni irim karika-kawa i kan pëni yi tsi itum ind.

1 TIMOTEU 6:4

ñaan namënts un aci ni mguukandër kuelëtsani, a te meets ko. Yësats koon këyës, par mantotëlër ni mŋom mi na ciina mun. Ci wun ko wi kan tsiji wi karí-ko, pëŋom, ikar, ma njafar ma waraatsa mi,

1 PER 3:8

Pa pëtuamës, nda kaan bëlieng ngëtsaag ngëloole, ni katúkëlar pëñaak, ni pëŋalëlar tsi nda tsaar tsi, ni kayëk-ipës, ni kawelan-been.

1 PER 5:5

Unk buts ind batsasa, nda welani iyeen ind tsi bërun bajëŋal. A ind bëlieng, tsi manteelar ind, nda cuman ni kawelan-iyeen ind, par Nasien-batsi ka natsara bape-iyeen bukul; a nuu wël bëtseend pa ba welan biki iyeen bukul.