FILIIPUS 2:12 - KARÚK-PËRIM KAWALU Nouveau Testament

¹² Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

FILIIPUS 2:12 Iomraidhean Croise

MATEU 11:12

Pëkuri tsi uwal Joŋ-namijan te inkri, uforsa ka niajëna wun pësien batsi; baka-uforsa ka yank bukun pul.

MATEU 11:29

Nda niirani pëkues nji, ndë júk tsi nji, par man tsëk a juab uwaas, din ngëlugum indind ka ci tsi pënaak.

NGËRO 16:29

Din a nawaay yep ulamp, na niaj ni pëcësa di bametsu, na yër tsi bërun Pol ni Silas, a nuu lënk.

NGËRO 9:6

“Natsan kë niaj përaasa, dul di kii leentsa run ko wi m ka wi përo.”

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

1 KORINTU 2:3

Bi n ci bi tsi pëncuaf ind, a n ci ni bërafal, ni bëlal a ndu n lënk mak.

1 KORINTU 4:14

Nji n picandarats ind ngëko ngi pa pëkawaran ind; maa pa pëtseend ind ibats, bi nda ci bi upäts nji ba ŋala biki.

2 KORINTU 7:15

Unk, uŋalul tsi uleka ind kë pe këpe përëmb, uwal wi na les wi bi nda niiran bi përimul ind bëlieng, ni bi nda welanul bi uwar, a nduu lënk.

EFEESU 6:5

Ind baluek, nda roan ko wi bajug ind tsi uyamats kë ja ind wi. Nda roan wul tsi bulal ni pëlënk, ni kajuab-ngëwaas ind; pi aci pa Këristu ni nduu leempar un.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

FILIIPUS 1:5

undo nda bof tsi uleemp Upetsan-uwar, ki unu ucak te inkri.

FILIIPUS 1:6

Man wak koon ko wi: Nan kur unk përo ko uwar tsi ind, ka mob tsi përo wul na ba, te tsi unu Këristu Yeesu.

FILIIPUS 2:19

Tsi Yeesu Ajug, man wejats pëyëli Timoteu di ind, tsi ko un car wi, uwejats nji ka tsëk, ute nji uleka ind.

FILIIPUS 4:1

Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

FILIIPUS 4:15

Ind ban ciina biki Filiipus, nda me koon, tsi ujuundi uleemp kaleents Upetsan-uwar, uwal wi n pën wunk di Masedoonia, nin Ngëriisia ngëloole ñakanaanats ko ni nji tsi uleka pëwël ko, ni pëyank ko; aci koon ind koor ind.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 4:1

Bi u ci bank, bi pëwatsana pëniaj tsi pënaakësaul wama bink aci, nda ju ngë lënkar nalon tsi ind pii wejats na ja afaatsani.

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!