FILIIPUS 2:1 - KARÚK-PËRIM KAWALU Nouveau Testament

¹ Bi u ci bank, uci kalon kaliinc-liincana ngëwaas tsi Këristu ci, uci kalon kajuabutsana-ngëwaas tsi bëŋal ci, uci kalon kambof tsi Uwejats-ujënts ci, a uci kalon kajuab-uwaas ni kayëk-ipës ci,

FILIIPUS 2:1 Iomraidhean Croise

LÚKAS 2:25

A u ka nalon ñaan di Jerusalem, katimul Simeon; aci namabal, na lënk Nasien-batsi, nuu lip kajuabëtsana-uwaas Israel; Uwejats ujënts ci tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 14:18

In di ka n dúk ind babënatsa, mán witsee tsi ind.

KAKÚRAN-KAWAR YEESU KRISTU BI JOŊ LEENŢ BI KUL AJA 14:27

Mán dukar ind pëfac; pëfac nji, mán wël ind pul. In di ka wël bi umundu kë wël bi. Ngëwaas ind tsë coka, te ind tsë ci ni bëlal.

KAKÚRAN-KAWAR YEESU KRISTU BI JOŊ LEENŢ BI KUL AJA 17:13

Maa inkri, mán bi di wi, a n ja ko wan tsi umundu, pa bukul pëka ulílan nji un kës wi, tsi bukul bërier bukul.

NGËRO 2:46

A ba baar pëloole, uja kara unu bu ka mob tsi pëci di kato-kayëman, bu kë tawës upom di kara kato, bu kë re bariala bukul ni ulílan, ni kajuab-uwaas.

NGËRO 4:32

A kandënd bañaan ba uwak biki ci uwaas uloole ni uwejats uloole; njn ñaan di ka ja tsi ibatsul, ko ulon tsi bëkaul aci wiicul bërierul; maa bë bofara ngëko bëlieng.

ROOMA 5:5

A wul uwats di ka fal ñaan, par Uwejats-ujënts wi ngë wëla wi, atular bëŋal Nasien-batsi di ngëwaas inja.

ROOMA 8:26

Unk buts di Uwejats kë tsënk nja run tsi bërafal nja par nja ngë meets bi u ka bi pëñaanaa; maa Uwejats wul bërier wul ka ñaandar nja wun tsi pëti, pan dits pi ka cilani irim.

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

1 KORINTU 15:31

Man ci tsi pëcäts kara unu un ci wi. Man leents ind wul, batsaar ni nji, undo upíc wi n kaana wi tsi ind, tsi Këristu Yeesu, Ajug nja.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

2 KORINTU 2:14

Maa Nasien-batsi na baranaan, nul nan tsunjai a ngë kuk tsi Këristu pa sandëndën; a tsi nja na tsu Këristu na meaa tsi tsëko tsan ci tsi ba këci, pi pëñal ulicar garandar pun.

GALAASIA 4:6

A undo bi nda ci bi babuk, a Nasien-batsi wëtani Uwejats Abukul di ngëwaas nja, a uu lie koo ja: “Aba, Paapa!”

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 4:4

Uliaf aci uloole, a Uwejats ci uloole. Unk buts, tsi karua ind, nda ruuree uwats uloole;

FILIIPUS 1:8

Par, Nasien-batsi awin bi n tsu ind bi bëlieng mak tsi uwaas nji, ni kayëk-ipës ki Këristu Yeesu yëk ki.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 JOŊ 3:24

Ñaan na mobi tsi ngëtsuaul, amob tsi pëci di Nasien-batsi, Nasien-batsi mob tsi pëci di nul. Tsi ko wi, tsi ngë meena tsun na mob tsi pëci di nja: undo Uwejats wi na wël nja wi.

1 JOŊ 4:12

Ñaan winats Nasien-batsi yaas; uci ngë ŋalëlar tsi ngë ci tsi, Nasien-batsi ka mob tsi pëci di nja bëŋalul ka ci ban kës bi di nja.

1 JOŊ 4:16

Nja ngë me bëŋal bi Nasien-batsi ŋal nja bi, a ngë wak tsi bul. Nasien-batsi aci bëŋal. Ñaan na mobi tsi pëci tsi bëŋal, amob tsi pëci di Nasien-batsi, a Nasien-batsi mob tsi pëci di nul.