FILIIPUS 1:5 - KARÚK-PËRIM KAWALU Nouveau Testament

⁵ undo nda bof tsi uleemp Upetsan-uwar, ki unu ucak te inkri.

FILIIPUS 1:5 Iomraidhean Croise

NGËRO 2:42

Bu mob tsi bëjukan bapostolu, ni tsi manteelar, ni tsi katawës upom, ni tsi bëñaan.

ROOMA 11:17

Maa uci ilon ina cëtaa, a wi nan ci buoliwa bëreeŋ, a m kabana tsi pëlas iyul, a m duka m bof tsi ibuul bul ni tsi pëñaak bul,

ROOMA 12:13

Nda tsënkan bayëman tsi ngëfier bukul, ndë túkar puu welan batsooŋ.

ROOMA 15:26

Par Ngëriisia Masedoonia ni ngi Akaaya, bëbaaraan pëwël bëtseend, pëtsënkëna baranj tsi bayëman ban ci biki di Jerusalem.

1 KORINTU 1:9

Nasien-batsi, aci na mobi tsi përim, nul nan duuri indi manteelar ni Abukul Yeesu Këristu, Ajug nja.

2 KORINTU 8:1

Batsaar ni wund, wund aŋal pëleents ind uleka bëtseend Nasien-batsi di iriisia in ci yi di Masedoonia.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

FILIIPUS 1:12

Batsaar ni nji, ma ŋal ind pëme, ko un baandë-niin wi, atsu këtsu Upetsan-uwar pëya bërun.

FILIIPUS 1:16

Batuami biki, bë ja ba roon bu kë ro umënts wun, tsi undo bëŋal. Bë me n tsua pa pënatsar Upetsan-uwar.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

FILIIPUS 2:22

Maa nda me ko wi Timoteu piban wi tsi bëciul: par, pi napäts tsi kawok asinul, aleemp ni nji tsi uleemp Upetsan-uwar.

FILIIPUS 4:3

Eey-e, wi kambof-uleemp ni nji, nacär! Man ñaanu këñaan, tsënkan bakaats bamënts biki, bukul ban kamandar biki Upetsan-uwar tsëloole ni nji, ni Këlementi, ni baleemp ni nji ban duka bukunk bëlieng, bukul biki itim bukul ci yi di ulibëru ubiira.

FILEMON 1:17

Bi u ci bank, uci m mobin pi ngë bof, welaniul pi aci nji.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.