FILIIPUS 1:20 - KARÚK-PËRIM KAWALU Nouveau Testament

²⁰ Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

FILIIPUS 1:20 Iomraidhean Croise

KAKÚRAN-KAWAR YEESU KRISTU BI JOŊ LEENŢ BI KUL AJA 21:19

Yeesu aja ko wan, pa pëpibanaan pëcäts pi Per kii rëmbanaan pi Nasien-batsi. Bi na ba bi pëja ank, a na jaul: “Fetsin.”

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 21:13

Maa, Pol jankma aja: “We tsu wun a ndu rug, a ndu cokin uwaas? Nji man yecis, cits pëjaa pëtana rin, maa pëcäts di Jerusalem undo katim Yeesu, Ajug.”

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 5:5

A wul uwats di ka fal ñaan, par Uwejats-ujënts wi ngë wëla wi, atular bëŋal Nasien-batsi di ngëwaas inja.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 8:19

Ngan leempa ngi, ka lip ni pëcësa upibandar babuk Nasien-batsi.

ROOMA 9:33

bi u picana bi, aja: “Teenan-e, mán tsu di Sion pëlaak pi kan tsu pi ñaan na jontas, ni bulaak bi kan tsu bi ñaan na yër; a ñaan na waki ba këwak tsi bul, di ka kawarana.”

1 KORINTU 15:31

Man ci tsi pëcäts kara unu un ci wi. Man leents ind wul, batsaar ni nji, undo upíc wi n kaana wi tsi ind, tsi Këristu Yeesu, Ajug nja.

1 KORINTU 6:20

Par, nda weelara përes pëñatsal. Inkri, kara ñaan tsi uliaful na rëmbani Nasien-batsi, [ni tsi uwejatsul, ngul ngan ci ngi ngi Nasien-batsi.]

1 KORINTU 7:34

Unk, në tsij ngëwejats ngëtëb. Unk buts, ŋaats-nacätsëndan-ayënul, oo na meetsi niints, bu ka wejats ngëko Ajug, pa ba ci bajëntsal tsi uliaf ni tsi uwejats. Maa ŋaats na nimee ka wejats ngëko umundu, nuu tsas bi në ro bi a ayënul ka lílandërul.

2 KORINTU 10:8

A ŋal bi n píc bi ko uties tsi undo pëyëlan pi Ajug wël wund pi, in cits tsi mkaw; par aci pa pëliinc-liincan ind, cits pa pëcok ind.

2 KORINTU 3:12

A bi wund ka bi uwats wan, wund ka roona bëyeentsal;

2 KORINTU 4:10

a ngënu bëlieng, wund tsij tsi ngëliaf wund pëcäts Yeesu, pa ubiira Yeesu pëpibana buts tsi ngëliaf wund.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 7:14

Par uci n du n píc tsi undo ind tsi bërun Tiitu, ind tsë kawundanin; maa bi wund ja bi wund roon wund kë leents ind ucär ngënu bëlieng, unk ko wi wund kë pícëna wi tsi bërun Tiitu, pëwinaa u ci ucär.

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

FILIIPUS 1:14

Undo man tanaa mkorente, a ban pe biki pëcum tsi batsaar tsi Ajug kë pe këpe pëka bëyeentsal pa pëleents përim Nasien-batsi; bë cits ni bëlal.

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

1 PER 4:16

Maa uci na ci tsi unoor pi Ñaan-këristu, nul tsë kawara ko wan, maa na rëmbani Nasien-batsi tsi undo katim ki.

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.