FILIIPUS 1:10 - KARÚK-PËRIM KAWALU Nouveau Testament

¹⁰ ndë yëlan pëyëkëran ngan pe ngi pëyuk, ndë ci bajëntsal, nda rits ka ulaci, te tsi Unu Këristu.

FILIIPUS 1:10 Iomraidhean Croise

MATEU 16:23

Maa, a Yeesu witsësa, a na ja Per: “Pënan lawanin, Useetaani! M ci natsuin pëyër, par ngëwejatsu cits ngi Nasien-batsi, maa ngi bañaan-bajin.”

MATEU 26:33

A Per yankul aja: “Ŋal ank kë ci ko wi kan tsu wi bañaan bëlieng pëyër, m di kë ci ko wan pa nji yaas.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:47

A Yeesu win Natanael kë bi tsi nul, a na ñakandar ulekaul aja: “Nul ni, naisrael nacär, nan kaatsi kanguungu.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:20

Par ñaan ni kandoi ba këro ngëko-kawaraatsa, ka ñaas ufac; di ka bi tsi ufac, pa ngi nuu ro ngi përits winaa.

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 12:9

Bëŋal, ba ciin ban tsijats bi kanguungu. Nda bëran ko u waraatsa wi, ndë mob u wara wi.

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

ROOMA 2:18

wi na mei bëŋalul a m jukana ngëtsua, a kë yëkëran ngëko ngan ka ngi bëkat,

ROOMA 7:16

A uci ndu ndo ko wi n ŋalats wi, man niiran ngëtsua, a n win u wara.

ROOMA 7:22

Par tsi bëci nji tsi uwejats, man nja ndoon ka n lílandër ngëtsua Nasien-batsi;

ROOMA 8:7

Wul ka wun, ko wi uŋal uliaf kë yimpara wi, aci pëñaas Nasien-batsi, par wul di ka niiran ngëtsua Nasien-batsi, a yëlats koon përo ko wan.

1 KORINTU 1:8

Nul ka liinc-liincan ind un te di utuami, pa ind pëci ban dits biki ka leentsara tsi Unu Yeesu Këristu, Ajug nja.

1 KORINTU 10:32

Ind tsë ci ko wi kan tsu wi Najudeu na yër, nin nagërek, nin Ngëriisia Nasien-batsi.

1 KORINTU 8:13

Wul ka wun, uci kare-ko ka tsu kun ni wund tsaari na yër tsi ujuban, in katse ka n de uyamats yaas, pa nji përits ci ni kan tsui ni wund tsaari na yër tsi ujuban.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 6:3

Wund ŋalats pëci ko wi ka tsu wi ñaan na yër, pa uleemp wund përits karaa.

2 KORINTU 8:8

Cits utsua wi n tsu ind wun, maa pëpiban ind uŋal balon; bëŋal ind ka teenëmana ne aci bëcär.

GALAASIA 5:11

Maa, batsaar ni nji, uci wama ka leents përim uleka kambac, we ka wun a wama ka noor-noorana? Bi u ci bank, i di ka ja ko uleka kruus, pa përits ci ko wi kan tsui ñaan na yër.

EFEESU 4:15

Uwal wi nja kë leents wi ucär tsi bëŋal, nja kë wiaka tsi ngëko bëlieng, tsi nul Këristu nan ci been;

EFEESU 5:10

Nda yëkërani ko u líl wi Ajug;

EFEESU 5:27

pa nul pëpiban tsi bërunul bërierul Ngëriisia ngan bëndana ngi, ngan kaats ngi ujink, nin urotsar, nin ko ulon unaam wi ni ngëmënts ngi; maa Ngëriisia nga yëman ngi, ngan kaats ngi ulaci.

EFEESU 6:24

Bëtseend ba ciin tsi ban ŋal biki bëlieng Yeesu Këristu Ajug nja tsi bëŋal ban dits bi ka niaman.

FILIIPUS 1:16

Batuami biki, bë ja ba roon bu kë ro umënts wun, tsi undo bëŋal. Bë me n tsua pa pënatsar Upetsan-uwar.

FILIIPUS 1:6

Man wak koon ko wi: Nan kur unk përo ko uwar tsi ind, ka mob tsi përo wul na ba, te tsi unu Këristu Yeesu.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

1 TESALONIKA 3:13

Na liinc-liincani ngëwaas ind, pa ndë ci ban kaats biki ulaci tsi bëjëntsal, tsi bërun Asini nja Nasien-batsi, ubi Ajug nja Yeesu ni bayiicul bëlieng bayëman.

1 TESALONIKA 5:21

Nda yëkërani ko un ci wi-ba këci, ndë mob tsi u wara wi.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.