FILIIPUS 1:1 - KARÚK-PËRIM KAWALU Nouveau Testament

¹ Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 1:1 Iomraidhean Croise

MARKU 13:34

Aci pi ñaan ni kan tsëpi bëyaas: Aruk katoul, a na tsu baleempul ko wi ba ka wi përo, kara ñaan ni uleempul; a na tsu nawaay-pëlëman na waay.

KAKÚRAN-KAWAR YEESU KRISTU BI JOŊ LEENŢ BI KUL AJA 12:26

Uci ñaan kë leemparin, na fetsin; a tsëko tsi n ci tsi, naleemp nji ka ci buts tsul. Uci ñaan kë leemparin, Asin nji ka rëmbanul.

NGËRO 1:20

“Par, iink di u picana run di ulibëru Uya-ubëndan, aja: ‘Katoul; ka rukan kajënts; ñaan tsë ci di kul.’ A u kaka jaka: ‘Nalon na yankan uleemp wi na ro wi tsua.’

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

NGËRO 9:13

Maa, Ananias jankma aja: “Ajug! Man te bacumal kë ñakan ngëko ngëcumal nga waraatsa ngi, tsi uleka niintsi, ngi na ro ngi bayëmanu di Jerusalem.

ROOMA 1:1

Pol, naleemp Këristu Yeesu, nanduuree pëci Napostolu, a na patsandara pëleents Upetsan-uwar Nasien-batsi.

ROOMA 1:7

Ind bëlieng biki Nasien-batsi ŋal biki, ban ci biki di Rooma, a nduu rua bayëman, bëtseend ba wëlaan ind ni pëfac pan pënë-ni pi tsi Nasien-batsi, Asin nja ni tsi Yeesu Këristu Ajug.

1 KORINTU 16:10

Uci Timoteu bi, nda roon bëwaar, pa nul përits ci ni mkaw tsi pëncuaf ind, par uleemp Ajug wi na ciina wun pi nji buts.

2 KORINTU 1:1

Pol, Napostolu Këristu Yeesu tsi uŋal Nasien-batsi; ni Timoteu na tsaar ni nja tsi uwak, pa Ngëriisia Nasien-batsi ngan ci ngi di Korintu, ni bayëman bëlieng ban ci biki di Akaaya bëlieng.

GALAASIA 1:10

Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

GALAASIA 3:26

Par ind bëlieng nda ci babuk Nasien-batsi, tsi undo uwak ind tsi Këristu Yeesu;

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

EFEESU 1:15

Wul ka wun, nji buts, uwal wi n te wi bañaan kë ñakanaan uleka uwak ind tsi Yeesu Ajug, ni bëŋal bi nda ka bi pa bayëmanul bëlieng,

EFEESU 6:24

Bëtseend ba ciin tsi ban ŋal biki bëlieng Yeesu Këristu Ajug nja tsi bëŋal ban dits bi ka niaman.

FILIIPUS 2:19

Tsi Yeesu Ajug, man wejats pëyëli Timoteu di ind, tsi ko un car wi, uwejats nji ka tsëk, ute nji uleka ind.

FILIIPUS 2:5

Nda tsijan uwejats umënts wun tsi ind, bi u ci bunk tsi Këristu Yeesu,

FILIIPUS 3:12

Cits pëjaa ne, man yank ba umënts wan bëlieng, oo ne manduka n ba ba pëwarandana. Maa, man ci tsi pëtukar pëmob wul, par nji bërierin, Këristu Yeesu amobin.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

1 TESALONIKA 1:1

A pënni ri Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asin, ni tsi Yeesu Këristu, Ajug. Bëtseend ba wëlaan ind ni pëfac!

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

2 TESALONIKA 1:1

Pol, ni Silwaanu, ni Timoteu, pa Ngëriisia bañaan Tesalonika, ngul ngan ci ngi tsi Nasien-batsi, Asini njani tsi Yeesu Këristu, Ajug.

2 TESALONIKA 1:10

Ka bi tsi unu umënts pii rëmbana tsi bañaanul bayëman, ba uwak biki bëlieng ka riangul tsi ngëwaas bukul. Te ind nda bof, par nda wak ko wi wund maatir wi a wund leents ind.

1 TIMOTEU 1:2

pa Timoteu, napäts nji nacär tsi uwak: Bëtseend ba wëlaanu, ni kayëk-ipës, ni pëfac, pëpën-ni tsi Nasien-batsi, Asin nja ni tsi Këristu Yeesu, Ajug nja.

1 TIMOTEU 3:8

Batsënk buts, bu ka pëci bañaan-urispiitu, bamob tsi përim pëloole, barika-tsu ibats bukul tsi karaan-pëwat mak, barika-tsu ibats bukul tsi pëka bëka ba mabats bi.

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

FILEMON 1:1

Pol, narica undo Këristu Yeesu, ni Timoteu, nul natsaar ni nja; pa Filemon, na ŋalee a na ciind naleemp ni wund,

BAYEBËREU 13:23

Nda mean, nan tsaari ni nja nul Timoteu, apënanee di ukalabus. Uci na car abaandi, ka bi ni nul pëwin ind.

JAKOB 1:1

Jakob, naluek Nasien-batsi ni Yeesu Këristu, Ajug, pa këbuka untaaja kun ni këtëb, kan gara ki jëk umundu: Nda ciin uwar!

1 PER 2:25

Par nda ro ci ba niam biki pi ngënkaanel; maa inkri, nda awitsësaree Nayafan ind ni Nawaay ngëwaas ind.

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;

UPIBAN 1:20

A un doots wunk mea, wi ngëpësaj paaj ngun ni ulon, ngi m win ngink tsi kariir nji, ni ipafëni ngëlamp, paaj yun ni kalon, i leempëna yi uwëru, ko umënts ci wun wi: Ngëpesaj paaj ngun ni ulon, aci ngëwaanju Ngëriisia paaj ngun ni ngëlon; a ipafëni ngëlamp, paaj yun ni kalon, aci iriisia paaj yun ni ngëlon.”

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 2:12

Picari uwaanju Ngëriisia ngan ci ngunk di Peergamu, ja: “Kantsij ulaac ujulal un tsij wi ngëre ngëtëb, pi ci pun pi na ja pi:

UPIBAN 2:8

Picari uwaanju Ngëriisia ngan ci ngunk di Sëmirna, ja: “Kanci Nacak ni Natuami, nul nandoi cats, maa a na kak aci nayësal, pi ci pun pi na ja pi:

UPIBAN 22:9

Maa a u jain: “Teenan-e, cats ro! Man ci acintsu naleemp, ni acints ban tsaar biki ni wi, un ci wi-bayëlia, ni acints bamob tsi irim ulibëru umënts wi. Nasien-batsi ni m ka un pëjintëla.”