FILEMON 1:17 - KARÚK-PËRIM KAWALU Nouveau Testament

¹⁷ Bi u ci bank, uci m mobin pi ngë bof, welaniul pi aci nji.

FILEMON 1:17 Iomraidhean Croise

MATEU 10:40

A na welan indi, awelanin; a na welanini, awelan ka yëliin.

MATEU 18:5

A ná welani napäts naties pi ni, tsi katim nji, nji ni na welan un.

MATEU 25:40

Nasien ka yank bukul ka ja: ‘Mán leents ind ucär: Ko wi nda roor wi ba naloole tsi ban pe bikink pëci baties, tsi ban tsaar biki ni nji, nji ni nda roor un.’

NGËRO 16:15

Bi na mijana bi, nul ni bañaan katoul bëlieng, na buara wund aja: “Ba nda win ci na waki tsi Ajug; nda pëni ndii ci ri kato nji.” A na tambandar pëtsu wund niiran, a wund niiran.

2 KORINTU 8:23

Tiitu aci acints nji ni ka leempi ni nji tsi pëncuaf ind; a tsi uleka bacints bukun, batsaar ni nja bë ci biki iriisia yëli biki, bë ci përëmb Këristu.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

1 TIMOTEU 6:2

A baluek ban ka biki bawiak ba uwak biki, bukul tsë teenëna bi bawiak bukul ci bi batsaar ni bukul, ba rits tsu bukul ko. Maa bu ka puu pe këpe pëleempar bukul uwar, undo bi bawiak bukul ci bi ba uwak biki, ba ŋala biki a ba ka bëkat tsi uleemp baluek bukul uwar. Jukani ngëmënts ngun, kuu tseend bañaan ibats tsi ngul.

FILEMON 1:10

man ñaanu këñaan pa napäts nji, Oneesimu, ni n dukee n buk tsi mdica mi n dica mi.

FILEMON 1:12

Mán wëtaniul na kaki tsi wi, nul nan ci uwaas nji.

FILEMON 1:18

A uci na lacu tsi ko, oo uci u ka ko wi na tsiatsu wi, tsuun wul tsi katim nji.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.