FILEMON 1:16 - KARÚK-PËRIM KAWALU Nouveau Testament

¹⁶ katse ci pi naluek, maa ape naluek, aci ni nda tsaari këtsaar, na ŋalee. Nul aci ko umënts wun mak tsi nji, a na peena pëci wul tsi wi, unk tsi bëciirul ñaan-najin, ni tsi bëciirul tsi Ajug.

FILEMON 1:16 Iomraidhean Croise

MATEU 23:8

Maa ind, ind tsuuts rua Rabi, naloole rin ci-un Najukan ind, par ind bëlieng nda tsaar këtsaar.

NGËRO 9:17

A Ananias tsëp ee niaj di kato, a na paful iñan na ja: “Natsaar ni nji Sol! Ajug yëliin un, nul Yeesu nan cili unk tsi wi, bi kë bi bi di bëga; pa wi pëkak puu win, kë cum Uwejats-ujënts.”

1 KORINTU 7:22

Par ni Ajug rui a na ci naluek, në ruka ci ni Ajug buerani. Unk buts nan ci nafacal a na ruee, në ruka ci naluek Këristu.

KOLOS 3:22

Ind baluek, nda fetsan përim bajug ind tsi utsia tsi, tsi ko un ci wi-ba këci. Cits rin tsi uwal wi ba tsuuna ind wi këkës, pi nduu tsas bukul pëlilandër ind, maa nda roan ank ni ngëwaas ngan fac ngi, ni urispiitu, pa Ajug.

1 TIMOTEU 6:2

A baluek ban ka biki bawiak ba uwak biki, bukul tsë teenëna bi bawiak bukul ci bi batsaar ni bukul, ba rits tsu bukul ko. Maa bu ka puu pe këpe pëleempar bukul uwar, undo bi bawiak bukul ci bi ba uwak biki, ba ŋala biki a ba ka bëkat tsi uleemp baluek bukul uwar. Jukani ngëmënts ngun, kuu tseend bañaan ibats tsi ngul.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

1 JOŊ 5:1

Ñaan na waki ba këwak u ci Yeesu ci-un Këristu, abukëna tsi Nasien-batsi. A ñaan na ŋali Asin, aŋal buts Abukul.