EFEESU 5:3 - KARÚK-PËRIM KAWALU Nouveau Testament

³ Unk, mampiintsandar ni karo-ngëtsopal kan ci ki-ba këci ni karisan-ko tsë lesaa koon këlesaa tsi pëncuaf ind; bi u ka bi pëci tsi bayëman.

EFEESU 5:3 Iomraidhean Croise

MATEU 15:19

Par, di uwaas di ngëwejats nga waraatsa ngi kë pën-ni run: Kafiŋ-ñaan, pëjub, katúk-ufuts, kakiej, pëja gi mmatirits gi ni mankarar.

LÚKAS 12:15

Na ja bukul: “Nda roon bëwaar! Ind tsë tsu ibats tsi karísan-ko. Par ubiira ñaan ciinats tsi urëmbar ngëko ngi na ka ngi.”

LÚKAS 16:14

Bafariseu, bukul baŋal-uncaam, bu kë te ko wan bëlieng a ba ci tsi përiatul.

NGËRO 15:20

maa, ngë picar bukul, pa pëja bukul ba rand mtsopi icap, ni bukul përand ngëko katúk-ufuts, ni përand përe ngëyamats ngëcaam ngan bota ngi itsúts a nga cäts, ni përand përe pëñaak.

NGËRO 20:33

Nji n díits nin uncaam ñaan, nin uwëruul, nin kaŋiul ki bëtiem.

ROOMA 1:29

A ba cum ni kamabats kan ci ki ba këci, ni kawaraatsa, nikariisan-ko, ni kajuats-uwaas; bu cum ni mankocar, manfiŋar, mŋom, maniamëlan, ni karo ngëwutsëtsuel. Bu ci bakuetar,

ROOMA 16:2

nda welaniul tsi katim Ajug, bi bayëman ka bi përolaa; nda tsënkanul tsi ko wi na fier wi ba këfier ndë tsënkul; par nul atsënk bañaan bacumal, a ŋal nji buts atsënkin.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

1 KORINTU 10:8

Nja tsë ro katúk-ufuts, pi balon do pi tsi bukul; a ba yër acäts bañaan ngëmiil ngëntaaja ngëtëb ni ngëmiil ngëwaants (23.000), tsi unu uloole.

1 KORINTU 5:1

Atea di ngëleka bëlieng u jaka, tsi pëncuaf ind, aka ban ci biki tsi ngëko katúk-ufuts; katúk-ufuts ki m me ki, ŋal ban cits biki Bajudeu di ka ro; un ci wi, aka nalon tsi ind, nan jeji aar asinul.

1 KORINTU 6:13

Bariala aci pa pëpës, a pëpës ci pa bariala. Maa Nasien-batsi kee ba ni ngan bëlieng. Uliaf cits pa ngëko katúk-ufuts, maa aci pa Ajug, a Ajug ci pa uliaf.

1 KORINTU 6:18

Nda túkan nda lawan ngëko katúk-ufuts. Ujuban un ci wi-ba këci, wi ñaan do wi, aci di utsand uliaf. Maa ñaan nan ci tsi ngëko katúk-ufuts, ajubandar uliaful bërier wul.

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

EFEESU 5:12

Par ngi bu kë ro ngi tsi kambeku, akawundan pëleents.

EFEESU 5:5

Par ind, nda mean ko wi uwar: napiintsandar, oo naro-ngëtsopal, oo narí-ko — un ci wi najintëla-icap — di ka ka bërukanda tsi Pësien Këristu ni Nasien-batsi.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

1 TESALONIKA 4:3

Par uŋal Nasien-batsi, aci ubiira ind pëci ujëntsal. Nda randan ngëko katúk-ufuts,

1 TESALONIKA 4:7

Par, Nasien-batsi ruurëts nja pëci tsi mtsopi, maa pëci tsi bëjëntsal.

1 TIMOTEU 2:10

maa ba tsuun ibats bukul tsi karo ngëwar, bi bakaats ba nja biki bërier bukul bu lënk Nasien-batsi ja bi ba roon bu kë ro.

1 TIMOTEU 3:3

Nul tsë tsu ibatsul tsi karaan-pëwat, nul tsë ci nakaman-bañaan, maa na ciin najuab-uwaas, narika-kaman, narika-tsu ibatsul tsi kaŋal-uncaam.

1 TIMOTEU 6:10

Par, kaŋal-uncaam ka tsiji kun ngëjuatsal bëlieng; aka ba mob biki tsi pëtsas wul aa ba pën alawan uwak, a ba tsu iyeen bukul tsi ngënoor ngëcumal.

2 TIMOTEU 3:2

Par, bañaan ka ruka ci baŋal-iyeen bukul, baŋal-uncaam, batsupalar, baguukandar, bakar Nasien-batsi, bamobats tsi përim ban buk biki bukul, barika-baran, barispitaarats ngëyëman,

TIITU 1:11

Bu ka përicaa itum, par bë ja ba roon bu kë cok bañaan bëlieng di ito, tsi puu jukan ngan kaats ngi pëjukana; bu koo ro ank, pa pëka bëka ban kawaran bi.

TIITU 1:7

Par nawaay-bañaan, nul nagaangana ngi Nasien-batsi, aka pëci nan kaatsi ulaci. Di ka tamb ulats, di ka car uriab, di ka tsu ibats tsi karaan-pëwat, di ka tsas ukam, di ka tsas bëka ban kawarën bi.

TIITU 2:3

Unk buts, jaan bakaats batsafal, ba ci bacär tsi ngi ba ciina ngi. Bukul tsë ci nin baja ngëwutsëtsuel tsi uleka ñaan, nin batsu ibats tsi karaan-pëwät mak, maa ba jukani ko u wara wi.

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

1 PER 5:2

Nda yafani pëtan ngënkaanel Nasien-batsi pi nda tanan pi. Ind tsë ñaas ngul maa nda tsuunkari ngul bi Nasien-batsi ŋal bi; cits ni uwejats karí-ko, maa ni uŋal uwar.

2 PER 2:10

Unoor umënts wun ka peena ba n ja bukunk ba roon, tsi pëfets uŋal uliaf bukul, bu kë yandaar tsi kari-ngëko ngëtsopal, a bu ri ka tsu pësien ko. Bape-iyeen bukul, baguukandar, bu lënkats pëja ko u waraatsa wi tsi uleka msien man pe mi pëci mwiak.

2 PER 2:14

Këkës bukul acum ni mjubi, a bu ri ka paaraar ujuban, bu kë fal ba liincats bukun tsi uwak, a ngëwaas bukul mob tsikariisan-ko; bë ci upäts bëjuats.

2 PER 2:3

Ni ibats karisan-ko, bu ka raacëna ind irim kanguungu, pëyankëna ind ngëko; kawata-pëleents bukul kan yecisa ki jon, di ka jon pëbaandi, te pëniam bukul di ka ŋooy.

UPIBAN 2:14

Maa, aka ngi ndu leentsaru ngi, aci ko uties: M ka tsul ba mob biki tsi bëjukan Balaam, nul nan jukani Balak pëkuer pëgungan pa babuk Israel puu re nga n jakana ngi tsi icap, ni bukul puu ro ngëko katuk-ufuts.

UPIBAN 2:21

Man wëlul uwal pa na yaar ibats, maa ŋalats pëwëtan katúk-ufuts ki na ciina ki.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”

UPIBAN 22:15

Di utsand, ngëbuus, ni baro ngëko-bupene, ni baro ngëko katúk-ufuts, ni bafiŋ-bañaan, ni bajintëla-icap, ni na ŋali ba këŋal a nuu ro ngëko kafal!

UPIBAN 9:21

Bu wëtaants ngëko bukul ngi kafiŋ-bañaan, nin ngëko bukul ngi maleempandar, nin ngëko bukul ngi katúk-ufuts, nin ngëko bukul ngi kakiej.