EFEESU 4:1 - KARÚK-PËRIM KAWALU Nouveau Testament

¹ Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 4:1 Iomraidhean Croise

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

1 KORINTU 4:16

Wul ka wun ndu n tseend ind ibats koo nja ind, nda ciin bateenënin.

2 TESALONIKA 1:11

Wul ka wun buts, wund ci tsi pëñaandar ind tsi ngëwal bëlieng. Unk Nasien-batsinjaka tsu ind ndë wina nda tsënkan pëbof tsi karuaul, ni tsi pëyëlanul në ba përo uwar wi nda ŋal wi ba këŋal, ni ko wi uwak ind kë ro wi.

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

KOLOS 2:6

Bi u ci bank, bi nda niiran bink Këristu Yeesu, nul Ajug, nda moban unk tsi puu yandaar ni nul;

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

2 JOŊ 1:5

A tsi inkri, ŋaats, man ñaanu nda ju ngë ŋalëlar tsi ngë ci tsi; cits utsua uwalu wi n picariu wun, maa wi ngë ka wi ki ujuundi.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

FILIIPUS 3:14

Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 4:4

Uliaf aci uloole, a Uwejats ci uloole. Unk buts, tsi karua ind, nda ruuree uwats uloole;

EFEESU 3:1

Wul ka wun, nji Pol, nan ci narica tsi Yeesu Këristu pa ind ban cits biki Bajudeu,

GALAASIA 4:12

Man ñaan ind, batsaar ni nji, nda ciin pi nji, par nji buts man ci pi ind; kaats ko wi nda rolin wi u waraatsa wi.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

TIITU 2:10

ban dits biki ka jej ko wi ba wëlaatsa wi. Maa ba pibani ba ci ban fiaara biki uwar. Unk, tsi ko un ci wi-ba këci, bu kë piban uwarara bëjukan Nasien-batsi, Nabueran inja.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

NGËRO 9:31

Tsi wul, a Ngëriisia ru tsij pëfac tsi Judeeya bëlieng, ni Galileeya, ni Samaaria; a nguu liinc-liincandar, a nguu yandaar tsi puu lënk Ajug; a tsi bëtsënk Uwejats-ujënts, a nguu pe këpe pëwatsësar.

ROOMA 11:29

Par ngëtseend Nasien-batsi ni karuaul, di ka gara.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.