EFEESU 2:3 - KARÚK-PËRIM KAWALU Nouveau Testament

³ Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 2:3 Iomraidhean Croise

MARKU 4:19

a bu kë wejats ngëko umundu, bëka ni karí-ko kë raac bukul; a ngëmënts ngan nëts përim, atsu pul kakaats-bëkat.

KAKÚRAN-KAWAR YEESU KRISTU BI JOŊ LEENŢ BI KUL AJA 1:13

bukul, bë bukënaatsa tsi pëñaak, nin tsi uŋal uyamats, nin tsi uŋal niints, maa tsi uŋal Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

NGËRO 14:16

Tsi ngëwal ngan par ngi, Nasien-batsi awët bañaan ban cits biki Bajudeu bëlieng ba fets iga bukul bërier bukul.

ROOMA 1:24

Wul ka wun Nasien-batsi guts bukul tsi kari-ngëko ngëtsopal tsi ngëwaas bukul, pa pëkawaran ngëliaf bukul tsi ba ci tsi.

ROOMA 11:30

Par ind, bi nda roots bunk niiran Nasien-batsi tsi uwal un par wi, maa inkri a nda tsënkan kayëk-ipës, undo bi Bajudeu roots bi ko un jaka wi,

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

ROOMA 2:14

Par, ban cits biki Bajudeu, bukul ban kaats biki ngëtsua, uwal wi bu kë ro wi ko wi ngëtsua ja wi, bukul ban kaats biki ngëtsua bë ci ngëtsua pa bukul bërier bukul.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 5:9

A tsi inkri bi pëñaakul tsunjabink bamabal, andes nul pëbuerani nja uriab Nasien-batsi.

ROOMA 6:12

Wul ka wun, ujuban tsë ka pëyëlan tsi ngëliaf ind ngi kan cats ngi, pa ind pëmob tsi ngëko ngi u rí ngi.

ROOMA 7:18

Par man me ne, tsi nji, un ci wi tsi uliaf nji, nin ulon ko u wara wi cits tsi nji.

ROOMA 9:22

Wee kë ja wun uci Nasien-batsi ŋal pëpiban uriabul, ni pëtsu bañaan ba me pëyëlanul? Nul ajon mak ki na ci ki tsi pëmiira ban ka biki pëtsua tsi unoor, a ba yecisa pa pëniam,

1 KORINTU 4:7

Yën tsuu un pëpe balon? Wee m ka wun kalon, wi m wëlaatsa wi këwëla? A uci m wëla këwëla, we ka wun a kë riang beenu, pi m wëlaatsa këwëla?

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 3:22

Maa, Bëpican atsu ngëko bëlieng tsi utsia ujuban, pa tsi undo uwak tsi Yeesu Këristu, ba uwak biki ka wëlaa uwatsan.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

KOLOS 1:21

A ind, tsi ngëwal ngan par ngi, nda ro lawan Nasien-batsi, a nda ci babër tsi ngëwejats ind, undo ngëko-kawaraatsa ngi nda ro ngi ka ro.

1 TESALONIKA 4:13

Batsaar ni wund, wund ŋalats ind përits me ko tsi uleka bacäts, unk nda rits juatsan pi banduka bukunk, bukul ban kaats biki uwats.

1 TESALONIKA 5:6

Bi u ci bank, n ja tsë ŋooy pi ban duka bukunk; maa nda jun ngë mob tsi kawaay, nja kë liingëlan ko.

1 TIMOTEU 6:9

Maa baŋal pëci barëmb, bu ka ci tsi mteen-teenana, bu ka moba tsi pëgungan, ni tsi përi ngëko ngëcumal ngi kakaats-ibats a nguu tsiji ujuatsal, ngi kan cok ngi bañaan a nguu niaman bukul.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

2 PER 2:14

Këkës bukul acum ni mjubi, a bu ri ka paaraar ujuban, bu kë fal ba liincats bukun tsi uwak, a ngëwaas bukul mob tsikariisan-ko; bë ci upäts bëjuats.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

1 JOŊ 2:16

par, ko un ci wi-ba këci tsi umundu, un ci wi karí-ko uliaf, karí-ko këkës, ni mguukandër tsi uleka ngëko ubiira, ngul bëlieng cits ngan pënë-ni ngi di Asin, maa aci ngan pënë-ni ngi tsi umundu.

1 JOŊ 2:8

Maa, mán kaka n picari ind utsua uwalu, wul aci ubaaraari un ci wi tsi Këristu, a u ci buts tsi ind; par karëm aci tsi pëpar, a ufac ubaaraari ci wink ba tsi pëfiets.