EFEESU 1:4 - KARÚK-PËRIM KAWALU Nouveau Testament

⁴ Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

EFEESU 1:4 Iomraidhean Croise

MATEU 24:22

Te uci ngënu ngëmënts ngandoots rukësa, nin ñaan di ka buer; maa undo ban data biki, ngënu ngëmënts ngan ka rukësa.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 24:31

pëncend puwiak ka leents mak, në yëli ngëwanjul ngë jukëlën bayiicul ban data biki, pëjej ni ri kajendats umundu te ri kacints.

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

KAKÚRAN-KAWAR YEESU KRISTU BI JOŊ LEENŢ BI KUL AJA 10:16

Man ka ngëlon ngënkanel nga bofats ngi tsi pëtan pi; ngul buts, man ka pëtsiji ngul, ngii te përim nji, din u ci pëtan pëloole ni nayafan naloole.

KAKÚRAN-KAWAR YEESU KRISTU BI JOŊ LEENŢ BI KUL AJA 15:16

Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 17:24

Paapa, ma ŋal tsi n ci tsi, biki m wëlin biki ka ci buts tsul ni nji, pa bukul pëwin përëmb nji pi m wëlin pi. Par, umundu ruka ka leempa, a m ŋalin.

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

NGËRO 15:18

ngan mea ngi ki uwal ujon.’

NGËRO 18:10

Man ci ni wi, a ñaan di ka tsu kañan tsi wi pa pëpikaaru; par bañaan bacumal tsi përaasa pi, bë ci pa nji.”

ROOMA 8:33

Yën ka tumtsar un biki Nasien-batsi rat biki? Nasien-batsi ka tsu un ñaan na ci namabal.

1 KORINTU 1:8

Nul ka liinc-liincan ind un te di utuami, pa ind pëci ban dits biki ka leentsara tsi Unu Yeesu Këristu, Ajug nja.

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

EFEESU 4:2

ni kawelan-iyeen ind bëlieng ni kajuab-ngëwaas, ni umiira. Nda ru kë míirëlar tsi nda ci tsi ni bëŋal,

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:27

pa nul pëpiban tsi bërunul bërierul Ngëriisia ngan bëndana ngi, ngan kaats ngi ujink, nin urotsar, nin ko ulon unaam wi ni ngëmënts ngi; maa Ngëriisia nga yëman ngi, ngan kaats ngi ulaci.

FILIIPUS 2:15

Ndë ci ba lacäts biki, ndë ciind bajëntsal. Ndë ci upäts Nasien-batsi ban kaats biki ulaci tsi pëncuaf bañaan uwal wi, ban ci biki baniamëlan ni bacolats ubiira. Nduu fiets tsi wul pi ngëpesaj tsi umundu,

KOLOS 1:22

Maa inkri, atsu ind a nda teelar tsi uliaf Këristu wi uyamats; aparanaan tsi pëcäts, pa pëtsu ind ndë ci bayëman tsi bërunul, bakaats ujink, bakaats ulaci.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

1 TESALONIKA 3:12

Bëŋal bi nda ŋalëlar bi, a nda ŋaland bañaan bëlieng, Ajug na tsuun bul pëwatsësar, bu pelëk, pi bëŋal bi wund ŋal ind bi.

1 TESALONIKA 4:7

Par, Nasien-batsi ruurëts nja pëci tsi mtsopi, maa pëci tsi bëjëntsal.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

2 TIMOTEU 2:19

Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:2

Bukul ban data biki tsi kacär-ume Nasien-batsi Asin, tsi bi Uwejats jëntsan bi bukul pa pëmob tsi përim Yeesu Këristu, ni pëlicara pëñaakul. Bëtseend ba watsësaan ind ni pëfac.

1 PER 1:20

Nul nan yecisee ki umundu netse ki leempa, maa na pibanaa tsi ngëwal ngëtuami ngi, pa undo ind.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

1 JOŊ 4:16

Nja ngë me bëŋal bi Nasien-batsi ŋal nja bi, a ngë wak tsi bul. Nasien-batsi aci bëŋal. Ñaan na mobi tsi pëci tsi bëŋal, amob tsi pëci di Nasien-batsi, a Nasien-batsi mob tsi pëci di nul.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.