BAYEBËREU 1:3 - KARÚK-PËRIM KAWALU Nouveau Testament

³ Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 1:3 Iomraidhean Croise

MATEU 22:24

“Najukan, Moises aja: ‘Uci nints cäts te kaats upäts, nan tsaari ni nul ka yij arul, në kaar nan tsaar unk ni nul kajër.’

MARKU 16:19

Bi Yeesu, Ajug ba bi pëñakanaan bukul, a na tsëpanda batsi, a na tsoar tsi kariir Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 1:4

tsi pul tsi ubiira ciina tsun, a ubiira umënts wun ci wun ufac bañaan-bajin.

NGËRO 2:33

Nasien-batsi ariangul tsi kariirul, a na yank Uwejats-ujënts di Asin, undo wi watsana; na koŋi wul, bi nda win bink a nda teend.

NGËRO 7:56

A na ja: “Nda teenan-e! Man win batsi waantsar, a Abuk ñaan-najin, nats tsi kariir Nasien-batsi.”

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

KOLOS 3:1

Bi nda natsee bunk ni Këristu di pëcäts, nda tsasan ngi ruets, di Këristu tsoar ri, tsi kariir Nasien-batsi.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 1:13

A uwom tsi ngëwaanju, wi Nasien-batsi ja wun ba: “Tsoaran tsi kariir nji, aa ka tsu babëru ba ci tsëpafëni iyotsu.”

BAYEBËREU 10:12

Maa Yeesu, aro bëjakan bëloole baŋ, tsi uleka ngëjuban, pa ngëwal bëlieng, a na tsoar tsi kariir Nasien-batsi.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

BAYEBËREU 7:27

Cits pi ban pe bukunk pëci bawiak-bajakan, banduka bukunk; nul fierats përoor ngëjubanul bërun ijakan, kara unu, a uu ba në roor bañaan. Umënts wun, aro wul uyaas uloole baŋ, uwal wi na jakan wunk beenul bërierul.

BAYEBËREU 8:1

Inkri, un pe wi tsi nganjaka ngi, ci wun wi, bi ngë ka bink nan pei pëci nawiak-bajakan na naam ink, nan tsoari di batsi tsi kariir pëtsoari Kanpe-përëmbana, pi pësien;

BAYEBËREU 9:16

Par tsi karuk-përim ci tsi, afiera u roon u pibanaa ne, kanduk-përim a cäts.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 3:22

Nul apaiya batsi ee ci di kariir Nasien-batsi, a ngëwaanju, ni msien, ni myëlan tienkëtsar tsi bërunul.

2 PER 1:16

Bi wund kë leents ind bi uleka pëyëlan ni ubiiri Yeesu Këristu Ajug nja wund fetsats itëtan i ñaan-najin jaj yi këjaj, maa wund aci bamaatir biki bërier wund, a wund win përëmbul ni këkës wund.

2 PER 1:17

Par ayank urispiitu ni përëmb, di Nasien-batsi, Asin; bi përim pëni bi di Përëmb Batsi abi pa nul, a pa ja: “Ni ci-un Abuk nji na ŋalee, man lílandërul mak.”

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

JÚDAS 1:25

Nul Nasien-batsi koorul, Nabueran nja tsi Yeesu Këristu Ajug nja na wëlaan përëmb, ni pëyëlan, ni uyëlan, ni pëtsijëna ngëko bëlieng ki ngëwal bëlieng netse ki ro juund, inkri pa sandëndën. Ameen!

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.

UPIBAN 4:11

“Ajug, wi Nasien-batsi wund! M tsënkan përëmbanaa, ni përispitaara, ni pëka pëyëlan, par wi leemp un ngëko bëlieng; undo uŋalu ka wun nga ci, a nga leempaa.”