Mateu 12:3 - Karajá Novo Testamento

³ Tahe Jesuisi tamy rỹỹraxire aõma ijyymy ikoreny relyyre iwese Davi riwinyre wesemy heka riwinyreri ramy rahureu.

Mateu 12:3 Iomraidhean Croise

Mateu 12:2

Iu‑ki tahe fariseu mahãduõ retehemy ratximyhỹre. Tiiboho tahe rarybere kia Jesuisi‑ò rarybere: —Kia hewa brebuna rare aõma sabadotxu riwinymyhỹré: —Aõherekibo aerydỹỹna mahãdu iu riwinyrereri.

Mateu 12:4

Davi riki heka ralòre Deuxu dohodỹỹna hetowo‑ò heka ralore. Tai tahe rirỹsỹmyhỹ kia aõma xiwena‑ki heka riymy. Kia orotxu heka aõma xiwena‑ò hidỹỹna mahãduòle rỹimy. Tahe ihãrele heka riyrenyre heka. Taijoi mahãdu‑ò riwahinyre.

Mateu 12:5

Kia wesemy aõma tariakõte bede ywina tyyriti‑ki wahe. Aõma xiwena wahidỹỹdu heka rityynyõhyymyhỹre. Aõma sabadotxu kia wahisidỹỹna. Xiwena bede ywina wahe. Iu dohodỹỹna hetowo‑ki ratximyhỹu. Tii heka sabadotxu bede ywina rityhynyõhyymyhỹre. Tahe heka aõbina bina riwinyrenyõhyymyhỹre. Kia tahe heka tule heka bede ywina tyyriti heka ritidỹỹna roire. Idi tariatenyõte.

Mateu 19:4

Jesuisi dirawyònyde: —Ritidỹỹnamy aõbo tariaõmyhỹte idi? —Deuxu ibutu widỹỹdu heka juhuu hãbu hãwyy‑wana riwinyre.

Mateu 21:16

Tiiboho tahe raryberenyre Jesuisi‑ò: —Kai aõbo taholate aõbo rarybereri. Jesuisi rirawyònyre: —Kohe, raholare. Kaiboho teeryõtenyte: —Uladu dori wowydyna tamy riwahinykre. Tiu aõbo tariatenyõhyymahãte kia Tyyriti‑ki.

Mateu 22:31

Kaiboho heka tetyhynytenyõhyymahãtenyte rubu‑ribi ixixana. Idi heka tariatenyõhyymahãtenyte timybo Deuxu rarybere?

Marku 12:10

Ritina‑di aõbo tariaõletenyte kia ryberiti: —Mana‑di hetowidỹỹdu rehura. Kia mana heka hetohàtxi‑ki ritidimy doide. Kia heka Wanyrỹ riwinyre kia iny ruereny dee aõna aõna nihikỹ rare.

Marku 12:26

Kaiboho aõbo tatyyritinytenyõta iny rubu‑ribi kedexixakremy. Kia heka raritinymy rỹire Moisesi tyyriti‑ki, òwòrusõmo ijyy‑ki rỹimyhỹ. Iwese Deuxu rarybere Moisesi‑ò: —Jiarỹ heka Abraõ Deuxu rare. Ijai Deuxu rare. Ijaò Deuxu jiarỹ rare.

Luka 10:26

Jesuisi dirawyònyde: —Timybo kỹnyhe Moisesi bede ywina tyyriti‑ki roimyhỹre? Timybo tuu manarybekre.

Luka 6:3

Jesuisi tamyreny rarybere: —Ihetxiu Davi tamahãdu‑wany rama risareu, Deuxu dohodỹỹna hetowo‑ò rirònyre. Tai Davi xiwena rỹsỹnale taijoi‑wana rirỹsỹre. Xiwena wahidỹỹdule heka irỹsỹdure, inywitxira ta aõkõ.