Apocalipse 7:2 - Karajá Novo Testamento

^2-3 Tule ijõmy rabire ỹjuõmy ibryra‑ribi rarerimy. Deuxu irumy nonadu hãletena nihikỹ widỹỹna heka diwymy idi nade. Iribi tahe inaubiòwa ỹju‑ò tii ryryre: —Txiokre inihe. Iwotõmodỹỹõmyke wa suu, bee, òwòru. (Kia ỹju mahãdu dori, bede, bero, wotõmodỹỹdu mahãdu ihỹre.) Biraòriòreke heka Deuxu hãletena deòdu òru‑ò aritidikre.

Apocalipse 7:2 Iomraidhean Croise

Mateu 16:16

Simaõ Pedro heka rarybere: —Kai Kristu atxiteri Deuxu deòdỹỹna heka tate. Kai heka Deuxu Riòre tate.

Mateu 26:63

Jesuisi tahe rybeõlemy ronyre roholare. Ixityre tamy rỹỹraxire: —Kai heka inatyhy tyhymy Deuxu Riòremy kai atximahãte. Mesia aõbohe kai tate? Deuxu riwaeryre inatyhymy rarybereri.

Joaõ 6:27

Rỹsỹna tyhy ituemyhỹre kiaòle aõkõ maaõmysỹdỹỹbenyke, tahe iwitxira rỹsỹnaõ‑ò maaõmysỹdỹỹbenyke, kia ituedeõna‑di aõkõ rare. Deuxu Riòre Habutyhyhykỹ dori adee riwahinykre. Kia rỹsỹna umytuedeõnahakỹ wesemy rare. Taile tahe Deuxu Waha riwateònyreri.

Efesu-ò 1:13

Kaiboho kiaõ toimahãte. Juhuu rybe inatyhy‑ò taholatenyteu, tetyhynymyhỹtenyte tarasa Rybewihikỹ‑ò wahe. Tai tahe Deuxu Tyytybytyhy‑di ratidỹỹna wesemy iny dee ritidimyhỹre. Deuxu Tyytybytyhy dori tii kidiwahinykemy rarybere, ihetxiu wahe.

Efesu-ò 4:30

Bibedeòtiidỹỹõmy Deuxu Tyytybytyhy. Tii dori arayrubunymyhỹre tarasanatxu‑ò.

1 Tesalonia-ò 1:9

Iny arora‑ribi dehemynydeu inyko relyymyhỹre. Kaiboho asuritxoo deuxu‑di tehutenyte tahe inatyhy Deuxu tetyhynytenyte, Deuxu iru wahe.

2 Tximòtxi‑ò 2:19

Deuxu hõrõ tahe inatyhymy rỹirakre. Kia tahe urihixina rare: —Deuxu tahõrõ mahãdu rierymyhỹre. Ijõ tahe: Inynyrỹ ijoimy iximy rybedu, òraruna heka riatykre.

Hebreu‑ò 12:22

Kaiboho dori iwitxira hãwãlò‑ò tetehemynyta, Siaõ hãwãlò‑ò, Deuxu hãwã‑ò. Kia biu‑ki Jerusalẽ rare. Sõwetyhymy tai ỹju mahãdu rỹire bede hesina‑ò. Ibutu butuna rare. Deuxu riòre sohojile butuna‑ò tehemynyte, dohodỹỹna mahãdu wahe. Ibutumy ityyriti‑ki ini roimyhỹre tamy rehemynyre. Deuxu‑ò tehemynyte ibutumy erydumy ratximyhỹreò. Inyhỹkỹna mahãdu òbitimy rỹira mahãdu‑ò tehemynyta.

Apocalipse 1:3

Inyõ katyyriti‑di rariakeki, eysamy ratxireri. Inyõ kiamy roholakeki, eysamy ratxireri. Inyõ kia rityhynykeki, eysamy ratxireri. Bededỹỹnana dori iòhòmy ratxireri. Kia ibutumy rotỹỹnyke.

Apocalipse 10:1

Tahe iwitxira ỹjuhukỹ rabira biu‑ribi suò robehererimy. Biuwetykywesehekỹle iweroramy rỹireri. Tahe owaji wese iratikile roireri. Iòsỹny tahe txuwewehekỹle, iwaube tasỹ heòtyhykỹwesele roosòmy.

Apocalipse 10:4

Tahe riritinyre heka aõmybo timykira raryberenyré wahe. Tahe rybeõ‑ò raholare: —Kia widỹỹõmy. Kia rybe hewa ierysyna aõkõ rare ixinamy tahe tuu roike. Biritinyõke aõmybo ramytxyna rarybere?

Apocalipse 16:12

Tahe iwitxira ỹju tahyna ditxiwide. Eufratesi berohokỹ tyre ritxiwire. Tahe ibutumy heka ruỹre. Oriente iòlò mahãdu dee tahe ryy kia riraynyre.

Apocalipse 5:2

Ỹju ruru ruruhukỹ‑my ryrymy dỹỹraxi‑di: —Mobo ityhykre tyyriti ratòbòna aresydỹỹdukre iraydỹỹ‑ki tule.

Apocalipse 8:3

Tahe iwitxira ỹju nade. Tii womati tỹrỹrỹhỹkỹ atara nihikỹ. Tahe xiwenatyre orarade rỹny wihikỹ ritoonyre. Inyõ riwahinyre ỹju‑dee sõwemy. Riurinykemy Deuxu ijoi ixitòedỹỹna‑wana xiwenatyre‑ò risõkemy aderòna rỹnyrehekỹ heka womati tỹrỹrỹ xiwenatyre‑ki ritxiwire Deuxu rynanako‑txi. Ỹju iribi tahe kia ibutumy raòwònyre Deuxu‑ò.

Apocalipse 9:14

Kia ỹju‑ò heka rarybere ijuròna dinodu wahe: —Inaubiòwa ỹju besedỹỹnyke ixinamy ròhònyke. Tii heka Bero nihikỹ ròtena‑ki, bero Eufratesi‑ki.

Apocalipse 9:4

Asi rubudỹỹõmykre bederaradeõ tule, òwòru tule. Inyõ Deuxu kia ritidỹỹna iòru‑ki rỹiõkeki, tahe tule tamy ijira rỹikre.