Zaki 2:5 - Kota Kiwoyeti (koq) NT Portions

⁵ Biyoka, bana nyangwɛ bamɛ: Zambe abɔnɔ mentende o boho bwa bato ba mɔngɔ, te bajace menkumani o ibukwɛ na ikumɛcɛ ejikala ya etomba ya Zambe ya ango atandasa te ewɛcɛ na bango anɔnɔ.

Zaki 2:5 Iomraidhean Croise

Itundu dja mbɛ dja Luk atanda 12:21

Yaje emba ya yekana na moto ahaka bokumani buce ibweji amɛnɛ, nde, aje teka bokumani bwa Zambe.»

Itundu dja mbɛ dja Luk atanda 12:32

«Teka lɔngɔ, mwa ijanga wa isiki! Hangwɛ wa bihi, ehimɛ iwɛcɛ bihi Etomba eji.

Itundu dja mbɛ dja Luk atanda 16:22

Ya ntende mwa jinɔ te Lazali mwawa, ya bangɛlɛ balwa neji okuna, Abalami. Na moto wa bokumani te awa, bakona te ango.

Itundu dja mbɛ dja Luk atanda 16:25

Ya, Abalami asɔhɔ neji te: “Mwana amɛ, yebaka te ojasa na bokumani usya ojasa na ndonga o hehe, nde, Lazali ajasa o mezuku, usatɛ bebɔcɛ neji, ɔbɛ te oje o mezuku.

Itundu dja mbɛ dja Luk atanda 22:29

bosina mɛnɛ, bwa mewɛcɛ bihi pizo ya ikɔkɛcɛ, nda Hangwɛ amɛ amuwɛ imɛ.

Itundu dja mbɛ dja Luk atanda 6:20

Okate Zɛzi, atakasa bayokwɛ beji, na isɔhɔkɔ te: «Bihi mentende byaje o mana, bosina te Etomba ya Zambe ya bihi.

Bemba 7:2

Etyɛni akasa te: «Bana nyangwa amɛ, bahangwɛ bamɛ, biyokamɛ! Zambe wa kuma ahɛlɛ nyo na Abalami, wa tata wa mini, usya ango ajasa bya mezopotami, boho na ango iyaka ijaka bya Kalani,

1 Timote 6:18

Tandaka bango ibekaka mbɛ, bajace menkumani na bemba bya mbɛ, bajace ngwɛ ikabaka bemba na banɛ.

2 Timote 4:18

Ku epokwakasa mɛ na bemba bibebe, eyonjɛkɛsɛ mɛ na ihujɛcɛ mɛ o Etomba eji ya iko. Kuma yajace na neji o menkola na menkola! Amɛni!

2 Timote 4:8

Nde osatɛ, ezaza ya twanganga yango aboka mɛ. Ku amɛ aji kombo wa hongololo ewɛcɛ mɛ yango o buya bwa mpabo, habe imɛ mɛnɛ okayi, nde na bato bahajɛ baboka na itɔndɔ buya bwango epwakasa.

Zaki 1:12

Moto akangama usiya banyeka ango aje o mana, bosina te usiya ango ahijɛ imbendebaka usiya ya banyeka ango, bewɛcɛ ango ezaza ya ndonga ya mbɛmbɛyi ya Zambe atandasa na bato bango anɔnɔ.

Zaki 1:16

Bana nyangwɛ bamɛ bama manɔnɔ byako tapace:

Zaki 1:19

Bana nyangwɛ bamɛ ba manɔnɔ, yebakayi te. Moto nde moto ajace ngwɛ iyokaka, abekace elɔmɔ ya buce boho na ango isɔhɔkɔ, na ijaka teka nganya kwakwa,

Zaki 1:9

Mwana nyangwɛ aji ntende acebace bosina te Zambe ebesɛcɛ ango.