Bemba 13:2 - Kota Kiwoyeti (koq) NT Portions

² O elɔmɔ ya bango bajasa o ikaci na ibɔndɔkɔ Ku, Ya Ekokoyi ya Pu yasɔhɔ te: «Kojɛcɛ imɛ Banabasi na Sɔli opopoko ijasaka ehaji ya mamubanga bango.»

Bemba 13:2 Iomraidhean Croise

Itundu dja mbɛ dja Luk atanda 10:1

Onyate mɛnɛ, Ku waho te abɔnɔ bayokwɛ memboto nanyi na hanto na mba, na ilomaka bango o boho bweji baba baba, o beposi na maluma mahajɛ mango ayongasa alwa amɛnɛ.

Itundu dja mbɛ dja Luk atanda 2:37

Ahisa nkuwɛ, ajasa na mekola memboto mwambi na mekola menanyi, mupatwakasa na Elongwɛ ya Zambe, ajazakasa ehaji ya Zambe, na ekombe na epundu o ikaci na membɔndu.

Bemba 10:19

Pyɛli anɛcɛ atemanga sina ya yɛni ya Ekokoyi ya sɔhɔ na neji te: «Ya ngutɛ na Bandomana bahanto bahaka ɔbɛ.

Bemba 10:30

Ya Kɔnɛli ahungwɛ na eji te: «Yebeka na myan mahanto, olɔmɔ mɛnɛ eko, usya buya bwa banda belɔmɔ bye hanto bikɔ, majasa o bobɔndɔkɔ o elongwɛ amɛ. Ibujɛkɔ moto apwa oboho bwamɛ tɛtɛ na mekanda mya ngɛyi-ngɛyi.

Bemba 13:3

Nde, usya bango bahijɛsɛ ikaci na ibɔndɔngɔkɔ, ya bango bahacɛ mabɔ ukwa ango na ijikaka bango ilwaka.

Bemba 13:4

Nda Ekokoyi ya Pu ya lomasa bango, ya bango balwa bya etafɛlɛ ya Selɛsi, bahakama embongo ya inɛnɛ na ilwaka bya ndobe ya Sipili.

Bemba 14:26

Bimɛnɛ, ya bango bahakama ukwa embongo ya inɛnɛ ilwaka bya etafɛlɛ Atyɔsi aji njenja mɔngɔ ya Sili, o etafɛlɛ yɛ bawɛsɛ bango na Zambe wa itɔndɔ na ehaji ya bango bamubeka.

Bemba 20:28

Jaka na bocɛngu bihi mɛnɛ na ilongaka ijanga ja Ekokoyi ya Pu amuwɛ bihi ikɔlɔkɔ. Jakayi bakɔle ba bɔnwu ba buka bwa babukwɛ ba Zambe amupokwa na ilɛlɛ ja Mwana eji amɛnɛ.

Bemba 22:21

Ya Ku asɔhɔ namɛ te: “Lwaka, bosina te melomaka ɔbɛ bopama bya bateka ja ba-Zufi baji.”»

Bemba 4:36

Usɛ Zozɛfi wa ntɔtu, moto wa buka bwa Levi, ajasa wa ndobe ya chipili, batɔtu bawɛsɛ ango kombo te Banabasi (isɔhɔkɔ te: asomɛ)

Bemba 6:4

Ete bɛhɛ bejaka kanganga o haji ya mebɔndu na itandaka iyɔkɔ ja Zambe.»

Bemba 8:29

Ekokoyi yasɔhɔ na Filipi te: «Hinyaka bya kabala wɛ aji.»

Bemba 9:15

Nde ya Ku asɔhɔ na neji te: «Lwaka, bosina te moto wɛ mebɔnɔn ango itandaka itundu jamɛ ja mbɛ o myɔngɔ mya bato baji teka ja ba-Zufi, na mekani, na Bahizahɛli.

1 Timote 2:7

Yango ya bawɛ mɛ ijaka ntande mwa Iyɔkɔ ja Zambe na ntɔtu, aloma ihɛlɛcɛ maheya ma mombo na ibukwɛ na baji teka ja ba-Zufi (mahɔke matandɛ mombo).

2 Timote 1:11

Na bosina bwa itundu ja mbɛ jitɛ Zambe amubeka te majace yengamyɛnjɛ, ntɔtu, na nlɔnji,

2 Timote 2:2

Na mambo momuyoka imɛ itandaka o boho bwa bakɔbɛ buce, wɛcɛ mango na baji hongololo, na ngwidi ihɛlɛcɛ banɛ yango ekusi.

2 Timote 4:11

Luki okayi aji bɛhɛ neji. Yaka bihi na Maliki, bosina bwa ango enyamwaka mɛ o ehaji.

2 Timote 4:5

Nde ɔbɛ, jaka ngwɛ o bemba byahajɛ, mbendebaka menzuku, jazaka obwɛji ehaji ɔbɛ ya itandaka Itundu ja mbɛ, na ijazaka ehaji ɔbɛ ya njazi mwa Zambe ngu boluma.