KO Ɔ NUNDENƐ 9:4 - Yataa 'a Dɔbɛnɛ Nama

⁴ A fɔen fan ni an ye, mbɛ an ma ko yama kan kɔ kan ma bin gbii a dunya chɛ ɔ. An ma a ma yamba kuunɛ n bɛɛ a, an ma a ma kɔnɛ n na. Chɛɛ an ni a ma mɔɛ chɛ n fan na dechee, Yataa 'a nyɛn chɛ ma sa ni miin ya kɔɔɛ.

KO Ɔ NUNDENƐ 9:4 Iomraidhean Croise

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

KO Ɔ NUNDENƐ 14:1

Mbɛ n‑na n ya a ta to, mbɛ a yen ko, kɔnkɔɛ chɛ, an mbe min chee, an dɔ, Sayɔn kɔnkɔɛ, n‑na sa tɔngbɔɛ chɛ yen a kun tɛ. A ni sɔ ɔ, an bɛ mɔ wu chɛmɛ dɔndɔ, mɔ wu bi naanin kun ma naaninɛ (144,000) n fan na. A tɔɛ an nyɛnden ni mɔɛ chɛ n ya kɔɔɛ, a basan a Fa Yataa tɔɛ a.

KO Ɔ NUNDENƐ 6:6

Mbɛ n‑na fenɛ kuiɛ a min, yɔ mɔ gbu kuiɛ. An kuiɛ chɛ bɔ‑a fɔɛ fen naanin chɛ n fan tɛ ɔ. A ɔ, “Tee dɔndɔ pawa, ɛ biidi dɔndɔ gbe an san‑da. Chɛɛ i ma tu ban, a basan gbɛ a.”

KO Ɔ NUNDENƐ 7:1

Chɛ gbakɔ, n‑na min nɛnɛ ɔ yen gbɛ, n‑na maeka naaninɛ n yen fan, an mbe sɔ ɔ dunya tɔnkɔn naaninɛ ɔ. Mbɛ fia min ni bɔ tena dunya gbɛɛ ɔ, mbɛ maeka chɛ n‑na a a gban. An‑na chɛ ma, min mbe a ma, fia gbɛɛ duu gboo ma, a gbɛɛ kɔ yii a, ni kɔn kan kɔ kan dɔ, a ni sɛmbɛ bɔ koe a.

KO Ɔ NUNDENƐ 8:7

Maeka saa‑a a ta buu fɛ kɛn, mbɛ ko sɛsɛ ma‑a. Sankɔɛ bɔn‑da wan, ni ta basan wii a dunya chɛ ma. Ni dunya chɛ du‑a si tena sawa a, a si tena dɔndɔɛ minda‑a wan. Kɔnɛ n bɛɛ si tena dɔndɔ minda‑a wan, a basan chin fen kan kɔ kan na.