KO Ɔ NUNDENƐ 9:1 - Yataa 'a Dɔbɛnɛ Nama

¹ Mbɛ maeka duun bɔɛ‑a a ta buu fɛ. Tɔmbuaka na‑a ka wan banda a, a bea‑a duu ma, mbɛ n‑na a yen. Chi been fan ni tɔmbuaka chɛ ma, son chɛ da a ka koe a, son chɛ min danka ee.

KO Ɔ NUNDENƐ 9:1 Iomraidhean Croise

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 8:31

Nyina yama chɛ n yɛ‑a wan, an‑na Chisɔsi disa, min mbe a ma, a ma na an na ta ta ɔ tɔɔya koe a.

GBOO DOMI KO A 10:7

A ɔ, chɛ ma, mmɔ ni a fɔ, mbɛ mɔ ee nɔ ta koe a faa a sɛ koe a Chasi a dunya ɔ.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 1:20

Ka wɛ n mbe a ɔ yian i a, tɔmbuaka wɔnfea chɛ nu n boo nyima a, an sɔen mu fenɛ miin ko a. Mbɛ n‑na a ɔ yian to i a, dambo si fen wɔnfea chɛ nu, an bɛɛ sɔen mu fenɛ miin ko a. Tɔmbuaka wɔnfea chɛ n mu maeka wɔnfea an fan na, chɔchi wɔnfea an ko a. Dambo si fen wɔnfea chɛ n sin, an mu chɔchi wɔnfea an fan na.”

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”

KO Ɔ NUNDENƐ 20:1

Chɛ gbɛɛ gbakɔ, mbɛ n‑na maeka dɔ mende yen yii‑a, a ka banda bu ɔ. Chi ɛ a boo a, son dɔ yansama wa chɛ, min danka ee ka, min mbe a da a ka. Kundu yɔɔɛ fankama wɛɛ, a ni wan a boo a.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 6:13

Mbɛ tɔmbuaka n bea‑a duu ma, yɔ kɔnɛ dau ɛ bɔn buɛ min dɔ, ni fia wa bɔ‑a.

KO Ɔ NUNDENƐ 8:10

Maeka sawan bɔɛ‑a a ta buu fɛ. Mbɛ tɔmbuaka wa bea‑a a ka banda a, ɛ man‑da yɔ sanku. Mbɛ a bea‑a yii si tena dɔndɔ ɔ, ni a du‑a si tena sawa a.

KO Ɔ NUNDENƐ 8:12

Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 8:2

Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.

KO Ɔ NUNDENƐ 9:2

A‑a son chɛ da a ka kɛn, sisi sonko sɔ‑a a ɔ, yɔ sɛnɛ minda sisi. Mbɛ sisi fia‑a banda bia, a pimbi bun‑da tee ma, a ee yen to.