KO Ɔ NUNDENƐ 8:5 - Yataa 'a Dɔbɛnɛ Nama

⁵ Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.

KO Ɔ NUNDENƐ 8:5 Iomraidhean Croise

MATIU 24:7

A yɛ to, chɛnyɛ n mbe butuinɛ chɛ‑a wan an nyɔn na, mbɛ chɛnyɛ mɔɛ dɔndɔɛ n‑na chɛɛ chɛ an bɛ chɛnyɛ mɔ dɔ mende n na. Kɔnkɔ ma chianden ba ɛ ma‑a wan chɛnyɛ sɛsɛ ɔ, a sin to, duu gboo wɛɛ ɛ samba‑a wan chɛnyɛ sɛsɛ ɔ, dɔndɔ dɔndɔɛ a.

DUKU 12:49

Chisɔsi ɔ, “N na‑a ta an sɔ koe a dunya chɛ a. Ɛ ma‑a wan n ma buɔdia a, ni an ta chɛ ma‑a bia‑a gbɛ.

CHISƆSI 'A SƆ MƆƐ NU 16:26

Mbɛ a ya kɔɔɛ a, duu gboo samba‑a wan, a chenama wa a. Chɛ‑a a ma wan, pimbi chenɛ gbu gbɛɛ ɔ ma‑a ma‑a. Mbɛ pimbi chenɛ gbu da nu, an sa‑a a teen na gbasi. Mbɛ yɔɔɛ wɛɛ, miin chɛen ni pimbi chen na sa mɔɛ chɛ n boo ma, ni an chenɛ n bɛɛ ma, an gbɛɛ fuin‑da an ma.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 4:5

Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.

KO Ɔ NUNDENƐ 6:12

Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.

KO Ɔ NUNDENƐ 8:3

Mbɛ maeka dɔndɔ na‑a, a sɔ‑a gbengbe chɛ baima. Pani min mbe a boo a, a nyanden mu sanu an dɔ. Fen kunyɛ a diama been fan ni a ma, Yataa 'a mɔɛ n 'na samunɛ ma munda koe a. A yɛ to, a minda koe a sanu gbengbe chɛ ma, mansa sea chɛ ya kɔɔɛ.