KO Ɔ NUNDENƐ 8:3 - Yataa 'a Dɔbɛnɛ Nama

³ Mbɛ maeka dɔndɔ na‑a, a sɔ‑a gbengbe chɛ baima. Pani min mbe a boo a, a nyanden mu sanu an dɔ. Fen kunyɛ a diama been fan ni a ma, Yataa 'a mɔɛ n 'na samunɛ ma munda koe a. A yɛ to, a minda koe a sanu gbengbe chɛ ma, mansa sea chɛ ya kɔɔɛ.

KO Ɔ NUNDENƐ 8:3 Iomraidhean Croise

DUKU 1:10

Mɔ sɛsɛ ni wan baa ma samun chɛ‑a, kɛn Sakaaya ni fen kunyɛ a diama chɛ minda tena.

GBOO DOMI KO A 8:34

Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

GBOO IBU MƆƐ N KO A 9:4

An kaina chɛ bu ɔ, gbengbe ni wan nɔ min nyanden ni sanu ɔ, an ni fen kunyɛ a diama minda kaina. Yataa na‑a dɔbɛnɛ min bɛɛ chɛ Isɔɛɛ mɔɛ n na, a kakaa chɛ wɛɛ ni wan nɔ, min gboo gbɛɛ ma bandenɛ ni sanu a. An kakaa chɛ ɔ, sanu tɔmbua ni wan nɔ, daun fenɛ ɛ a ɔ. An ni an daun fen chɛ chee, an dɔ, mana. Eyɔn 'na tungbɔɛ wɛɛ, yamba kunɛ na‑a fɛn min ma, a ni wan kakaa chɛ ɔ. A yɛ to, sen dɛnfɛ fea chɛ nu, Yataa na‑a sawa chɛ nyɛn miin ma, mbɛ an be‑a Mosisi ma, an bɛɛ ni wan an kakaa dɔndɔ gbe chɛ ɔ.

KO Ɔ NUNDENƐ 10:1

Chɛ gbakɔ, mbɛ n‑na maeka dɔ mende yen yii‑a, a ka banda bu ɔ, min ni gbasa. A ma koa ni dugbu an na, ninkinankantuu tindandenɛ ɛ a kunɛ a. A ya kɔɔɛ ni man tena wan yɔ tee, a chenɛ n sin ni wan yɔ ta sanku manɛ.

KO Ɔ NUNDENƐ 14:18

Mbɛ maeka dɔ mende bɔ‑a, min ni ta kun ma fɛn, fen kunyɛ a diama chɛ ɛ minda ka gbengbe min ma banda bu ɔ. Mbɛ a‑a yee tɛ gbankon maeka dɔndɔɛ chɛ tena, chin fen kai mɛ wa chɛ ɛ ka min boo a, a ɔ, “I 'a mɛ wa ya, i ni keepi chɛ kai, a ka a nɔmɔɛ ma, dunya chɛ ma. Koe min na mu, an keepi n gbu yawa‑a.”

KO Ɔ NUNDENƐ 5:8

Sa tɔngbɔɛ chɛ‑a a bia kɛn, mbɛ fɔɛ fen naanin chɛ nu, an bɛ gbakoo bi fea kun ma naanin chɛ n na, an‑na an kumbai gbangban a chen kɔɔ. Kɔninka an ni gbakoo chɛ n gbɛɛ boo a, ni sanu pani nu. Fen kunyɛ a diama an ni pani chɛ n gbɛɛ ɔ. Fen kunyɛ a diama chɛ n sin ni samunɛ an na, Yataa 'a mɔɛ n ni miin chɛ.

KO Ɔ NUNDENƐ 6:9

Sa tɔngbɔɛ chɛ‑a yuu duun bɔɛ tɛ kɛn, mbɛ gbengbe kɔɔ, fen kunyɛ a diama ɛ minda min ma, n‑na fuɛ n yen. An na‑a chɛ n fan fa tee, sɔ koe a den an 'na danaya ɔ Yataa a, a basan Yataa 'a bai sa koe a.

KO Ɔ NUNDENƐ 7:2

Mbɛ n‑na maeka dɔ gbɛɛ yen, ɛ ka‑a tee bɔ. Fenɛ ni wan a boo a, min mbe nyɛnɛ sa mɔɛ ma. Yataa, min mbe ee fa kuɔ fɔ ko a, an‑na fen chɛ be a ma. Mbɛ a‑a maeka naanin chɛ n chee gbankon, maeka chɛ nu, gbasaya beenɛ ɛ ka miin ma, ko yama ma koe a duu gboo ma, mbɛ an‑na a ma kɔ yii ɔ.

KO Ɔ NUNDENƐ 8:4

Mbɛ fen kunyɛ a diama chɛ, a sisi sɛ‑a, a basan Yataa 'a mɔɛ n 'na samunɛ a. Sisi chɛ sɛ‑a wan, a bɔ maeka chɛ boo ɔ, min mbe Yataa baima.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.

KO Ɔ NUNDENƐ 9:13

Mbɛ maeka wɔdɔn bɔɛ‑a a ta buu fɛ. Mbɛ n‑na kuiɛ a min, a bɔ sanu gbengbe chɛ tɔnkɔn naaninɛ ɔ, fen kunyɛ a diama ɛ minda ka min ma, Yataa chen kɔɔ.