KO Ɔ NUNDENƐ 8:2 - Yataa 'a Dɔbɛnɛ Nama

² Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.

KO Ɔ NUNDENƐ 8:2 Iomraidhean Croise

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

DUKU 1:19

Mbɛ maeka chɛ ɔ, “N fan mu Chebɛɛ a. Yataa baima sɔ mɔɛ mu n fan na, a 'a wai chɛ koe a. A sin, a wan‑na n sɔ koɔ koe a i tena, a 'a sakana bai chɛndɛ chɛ a ben koe a.

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

GBOO SAA KƆYINDI KO A 15:52

A tima chɛ a, ɛ na‑a ka wan, a ya kɔɔɛ a. Ɛ ma‑a bui chɛ an na, yɔ mɔɛ e i ya ma kai buɛ min dɔ kabu kabu. Koe min na mu, ni buu chɛ kuiɛ bɔ‑a, buu dankama nɛnɛ chɛ, faa mɔɛ n kɔɔ ɛ sɔ‑a wan, a ka saya ɔ. A sin, an mbe ee na‑a fa a to kuɔ fɔ ko a. A sin to, mmɔ gbɛɛ, mmɔ ma ɛ fan‑da wan.

Gboo Saa Tɛsadonika Ko A 4:16

Kuiɛ ɛ a fɔ‑a wan mɔɛ n ye, an mbe koe min ma. Chɛ ɛ ma‑a Yataa 'a maeka chenama kuiɛ an na, Yataa 'a buu kuiɛ. A sin, Mansa Chisɔsi wandi ɛ yii‑a wan, a ka banda bu ɔ. Chɛ gbakɔ, mbɛ mɔɛ miin na‑a an kai fa Chisɔsi a, aan an fa‑a, an pɛn mbe an kɔɔ sɔ‑a, an ni yɛ fɔɛ ɔ.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 16:1

Mbɛ kuiɛ gbankon ba, n‑na a a min, a ka Yataa 'a chen chɛ a, a ɔ, maeka wɔnfea chɛ n ma, a ɔ, “Pani wɔnfea chɛ nu wo boo n na, miin na faenɛ ɛ ka Yataa 'a faatɛ gbɛ chɛ a, wo ta, wo ni an dɔ wuyan dunya kun ma.”

KO Ɔ NUNDENƐ 8:13

Mbɛ n‑na n ya a ta, n‑na kochɛ yen ben‑da banda a. Mbɛ a koɔ‑a gbankon, a ɔ, “Kasaa na‑a, kasaa na‑a, kasaa na‑a dunya ma mɔɛ n ko a. Kasaa chɛ ma ɛ chian‑da wan, buu tɔɛ chɛ nu, maeka sawa chɛ n boo a, an fɛenɛ ma.”

KO Ɔ NUNDENƐ 8:6

Mbɛ maeka wɔnfea chɛ nu, buu wɔnfea chɛ ɛ miin boo ɔ, an‑na an ma bɛn an fɛ koe a.

KO Ɔ NUNDENƐ 9:1

Mbɛ maeka duun bɔɛ‑a a ta buu fɛ. Tɔmbuaka na‑a ka wan banda a, a bea‑a duu ma, mbɛ n‑na a yen. Chi been fan ni tɔmbuaka chɛ ma, son chɛ da a ka koe a, son chɛ min danka ee.