KO Ɔ NUNDENƐ 8:12 - Yataa 'a Dɔbɛnɛ Nama

¹² Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 8:12 Iomraidhean Croise

MATIU 24:29

“Ko yawaen tee chɛ n mbe ben‑da dechee, mbɛ tee ee na‑a man‑da, mbɛ kau wɛɛ ɛ pimbi‑a wan. Tɔmbuaka n mbe bea‑a wan a ka banda a. Fen kɔ fen min mbe banda a, Yataa ɛ a ɔ samba‑a wan a ka a gba ɔ.

MATIU 27:45

Chɛ gbakɔ, tee che‑a kɛn kun tɛ, pimbi bun‑da wan chɛnyɛ gbɛɛ ɔ, aan awa sawa ko a.

MAKI 13:24

Chisɔsi ɔ, “Chɛɛ ni ko yawaen tee chɛ n ben‑da, tee ee na‑a man‑da, mbɛ kau wɛɛ pimbi‑a.

MAKI 15:33

Tee che‑a kɛn kun tɛ, an tee chɛ ma, pimbi bun‑da wan chɛnyɛ gbɛɛ ɔ, aan awa sawa ko a.

DUKU 21:25

Chisɔsi ɔ, “Da fii koe n mbe bun‑da wan ma‑a kau a, ni tee, a basan tɔmbuaka n na. Faayɔn ba basan kɔndɔfii wa a, an mbe ma‑a wan chɛnyɛ n dɔ, dunya ma. Chianɛ ɛ ma‑a wan mɔɛ n dɔ, a si yii wa n tu kuiɛ ma, a basan an fonfo yii kuiɛ a.

CHISƆSI 'A SƆ MƆƐ NU 2:20

Tee ɛ mun‑da wan pimbi a, mbɛ kau wɛɛ yawa‑a, yɔ wii, tee chɛ e na che, Mansa Yataa na tee. Tee wa chɛ, ko chenama n dɔ yen tee chɛ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

KO Ɔ NUNDENƐ 12:4

Tɔmbuaka chɛ nu, miin ni banda a, ni an du‑a sawa a, a fɛ‑a si tena dɔndɔɛ fian fan, a‑a an bondan duu gboo ma. Fɔɛ fen ma chianden chɛ sɔ‑a wan musu chɛ ya kɔɔ, a ma bɛndenɛ ɛ a 'a den chɛ kanun koe a, ni a‑a a suun dechee.

KO Ɔ NUNDENƐ 16:10

Maeka duun bɔɛ tana, a‑a a ta pani ɔ wuyan soe yama chɛ 'a mansa sea an na. Chɛnyɛ chɛ, min ni a 'a mansaya kɔɔ, a ni wan pimbi pimbi ɔ. Mɔɛ n‑na an nɛnɛnɛ n chin fan tɔɔya ɔ.

KO Ɔ NUNDENƐ 6:12

Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.

KO Ɔ NUNDENƐ 9:15

Maeka wɔdɔn bɔɛ chɛ‑a yuu tɛ wan maeka naanin chɛ n ma, miin ni bia a ɔ. An ni san chɛ an ma kɔn tena, kau chɛ ɔ, tee chɛ ma, ni tima chɛ kɔɔ, Yataa ni a boo ka an ma. Mɔɛ n gbɛɛ dunya ɔ, ni an du‑a si tena sawa a, maeka chɛ n ni si tena dɔndɔɛ chɛ n fa.

KO Ɔ NUNDENƐ 9:18

Ta chɛ, a basan sisi chɛ a, ni sen gbandima chɛ, miin ni bɔ tena an da ɔ, an‑na mɔɛ sɛsɛ fa wan. Mɔɛ miin ni dunya ɔ, an duenɛ si tena sawa a, kaka dɔndɔɛ fa‑a wan, kasaa sawa chɛ boo ɔ.