KO Ɔ NUNDENƐ 7:9 - Yataa 'a Dɔbɛnɛ Nama

⁹ Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.

KO Ɔ NUNDENƐ 7:9 Iomraidhean Croise

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

CHƆN 12:13

Chɛ ko a, mbɛ an‑na gbɛ nyanda an bia an boo ɔ, an mbe ta‑a buɔdia yee tɛ‑a, a ya ɔ chia a. An dɔ, “Mmɔ Yataa tando. Mansa Yataa ni mɔɛ chɛ dua, min na‑a a tɔɛ ɔ. Mansa Yataa ni mansa wa chɛ dua, min mbe na tena ma‑a Isɔɛɛ chɛnyɛ kun ma.”

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

Gboo Ɛfisɔsi Ko A 6:13

Chɛ an fɛ mu, wo wo ma chii gbae, Yataa 'a chɛɛ chɛ koe a. Chɛ an mbe a ma‑a, wo ni kun sɔ‑a gban, ko yama ma tee chɛ kɔɔ. A ni a ma, wo ni butuinɛ chɛ, aan a danka a, wo e sɔ ɔ chidi.

GBOO IBU MƆƐ N KO A 11:12

Chɛ an‑na a fɔ, saya ni wɛɛ ka gbɛ a boo kana bia‑a, a mɔ dɔndɔ gbe chɛ cheeya nu, an kɔkoo. An kɔkoo yɔ tɔmbuaka nu banda a, ni yɔ tɛɛ kuu yii ɔ, mɔ ee che min dan‑da.

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 22:3

Fen kɔ fen Yataa‑a min danka, a ee yen‑da an duu chɛ ɔ. Yataa an fea sa tɔngbɔɛ a, an mbe ma‑a wan nɔ si ɔ mansa sea a. A sin, Yataa 'a mɔɛ nu, an mbe a fai‑a wan.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 5:11

Mbɛ n‑na n ya a ta to, mbɛ n‑na maeka n kuiɛ a min, an wu sɛsɛ, dan mbe ee an ma. An ni sɔ ɔ mansa sea chɛ 'a tindanɛ wan, fɔɛ fen chɛ n na tindanɛ, a basan gbakoo chɛ n na.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 6:11

Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.

KO Ɔ NUNDENƐ 7:8

Mɔ wu tan kun ma fea (12,000), an na‑a bɔ Sɛbudɔn dambi ɔ, wu tan kun ma fea (12,000) bɔ‑a Chosɛfi dambi ɔ, mbɛ wu tan kun ma fea (12,000) bɔ‑a Bɛnchamin dambi ɔ. An gbɛɛ‑a nyɛnɛ ma sɔn fan an ya kɔɔɛ.