KO Ɔ NUNDENƐ 7:3 - Yataa 'a Dɔbɛnɛ Nama

³ Maeka chɛ ɔ, “Wo sɛmbɛ, wo ma ko yama ma duu gboo a, wo ma a ma kɔ yii a, wo ma a ma kɔnɛ n na. Wo a ma kɔn, aan nn ni nyɛnɛ sa Yataa 'a wai chɛ mɔɛ n ya kɔɔ.”

KO Ɔ NUNDENƐ 7:3 Iomraidhean Croise

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

KO Ɔ NUNDENƐ 13:16

A yɛ to, soe yama chɛ, a din‑da wan to mɔɛ n gbɛɛ ma, mɔ mɛsɛ n bɛ gbakoo n na, yɔn tɔɛ nu, an bɛ nyan tɔɛ n na, yɔnɛ nu, an bɛ mɔɛ n na, miin ma yɔn na, an gbɛɛ ni nyɛnɛ ma sɔn. A ni sa an boo nyima a boo a, chɛ ma, an ya kɔɔɛ.

KO Ɔ NUNDENƐ 13:17

A sin, mɔ ɔ mɔ ee fee chɛ, chɛ ma, mɔ ɔ mɔ ni fee fenɛ ma tachɛ, ni nyɛn chɛ ee a ma. An nyɛn chɛ, a mu soe yama saa chɛ tɔɛ an na, ni chɛ ma, nɔmba min sɔen mu a tɔɛ ko a.

KO Ɔ NUNDENƐ 14:1

Mbɛ n‑na n ya a ta to, mbɛ a yen ko, kɔnkɔɛ chɛ, an mbe min chee, an dɔ, Sayɔn kɔnkɔɛ, n‑na sa tɔngbɔɛ chɛ yen a kun tɛ. A ni sɔ ɔ, an bɛ mɔ wu chɛmɛ dɔndɔ, mɔ wu bi naanin kun ma naaninɛ (144,000) n fan na. A tɔɛ an nyɛnden ni mɔɛ chɛ n ya kɔɔɛ, a basan a Fa Yataa tɔɛ a.

KO Ɔ NUNDENƐ 14:9

Mbɛ maeka dɔndɔ na‑a to, chɛ gbaa, a sawan bɔɛ. A wɛɛ, a koɔ‑a wan gbankon, a ɔ, “Ni mɔ ɔ mɔ‑a soe yama chɛ fai, ni mɔ ɔ mɔ‑a fen chɛ fai, min bɔenɛ a a, ko yama mu.” A ɔ, “Ni mɔ ɔ mɔ‑a nyɛn chɛ sa a ya kɔɔɛ, chɛ ma, a boo a, ko yama mu.”

KO Ɔ NUNDENƐ 19:2

A 'a kaa a tɛ, tea ɔ, danaya ɔ. A‑a kaa a tɛ duu dia wa chɛ wakoe ma, dunya ɔ chɛ chɛ duu chɛ, ko tɛ a. A 'a mɔɛ n wii ko a, a‑a tɔɔya sa duu chɛ ma.”

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 22:4

An mbe Yataa ya kɔɔɛ yen‑da wan, a tɔɛ sin mbe nyɛn‑da wan an tee teeya n na.

KO Ɔ NUNDENƐ 6:6

Mbɛ n‑na fenɛ kuiɛ a min, yɔ mɔ gbu kuiɛ. An kuiɛ chɛ bɔ‑a fɔɛ fen naanin chɛ n fan tɛ ɔ. A ɔ, “Tee dɔndɔ pawa, ɛ biidi dɔndɔ gbe an san‑da. Chɛɛ i ma tu ban, a basan gbɛ a.”

KO Ɔ NUNDENƐ 7:1

Chɛ gbakɔ, n‑na min nɛnɛ ɔ yen gbɛ, n‑na maeka naaninɛ n yen fan, an mbe sɔ ɔ dunya tɔnkɔn naaninɛ ɔ. Mbɛ fia min ni bɔ tena dunya gbɛɛ ɔ, mbɛ maeka chɛ n‑na a a gban. An‑na chɛ ma, min mbe a ma, fia gbɛɛ duu gboo ma, a gbɛɛ kɔ yii a, ni kɔn kan kɔ kan dɔ, a ni sɛmbɛ bɔ koe a.

KO Ɔ NUNDENƐ 7:2

Mbɛ n‑na maeka dɔ gbɛɛ yen, ɛ ka‑a tee bɔ. Fenɛ ni wan a boo a, min mbe nyɛnɛ sa mɔɛ ma. Yataa, min mbe ee fa kuɔ fɔ ko a, an‑na fen chɛ be a ma. Mbɛ a‑a maeka naanin chɛ n chee gbankon, maeka chɛ nu, gbasaya beenɛ ɛ ka miin ma, ko yama ma koe a duu gboo ma, mbɛ an‑na a ma kɔ yii ɔ.

KO Ɔ NUNDENƐ 9:4

A fɔen fan ni an ye, mbɛ an ma ko yama kan kɔ kan ma bin gbii a dunya chɛ ɔ. An ma a ma yamba kuunɛ n bɛɛ a, an ma a ma kɔnɛ n na. Chɛɛ an ni a ma mɔɛ chɛ n fan na dechee, Yataa 'a nyɛn chɛ ma sa ni miin ya kɔɔɛ.